მარნეულის მერიამ საახალწლოდ ქუჩების მორთვისათვის 165 200 ლარიანი ტენდერი გამოაცხადა.

ადგილობრივი თვითმმართველობა აღნიშნული თანხით გეგმავს საახალწლო მორთულობების-ილუმინაციების შეძენა - მოწყობის / არსებულის განახლება-აღდგენის სამუშაოების შესყიდვას.

ტენდერის მიხედვით, საახალწლოდ იგეგმება 16 ადგილის მორთვა ქალაქ მარნეულის ტერიტორიაზე.

• 26 მაისის ქუჩაზე სკვერამდე მილის არკის მორთვა
• 26 მაისის ქუჩა - სკვერი „კიდევაც დაიზრდებიან“
• 26 მაისის ქუჩის მოედანი-შადრევანი განათდეს ილუმინაციებით
• 26 მაისის ქუჩა

  

  მოედნის შემდეგ განათდეს ყიზილაჯლოს ხიდამდე
• სამედ ვურღუნის ქუჩაზე მოირთოს მოედანი დასაწყისში
• რუსთაველის ქუჩაზე მაღალაშვილის ხიდი
• სამედ ვურღუნის ქუჩაზე მოირთოს მოედანი რკინისგზის გადასასვლელთან
• მერიის შენობა, კულტურის სახლი
• მერიის მიმდებარე სკვერი
• კულტურის სახლის მიმდებარე სკვერი
• მოედნიდან რუსთაველის ხიდამდე
• ხიდიდან ბაზრამდე
• ბაზრიდან არხამდე
• არხიდან ათაჰოლდინგამდე
• ათაჰოლდინგიდან სამედ ვურღუნის მოედნამდე
• მერიასთან ნაძვის ხის აწყობა და დაშლა
• საჭიროებისამებრ დამატებით 3 (სამი) ლოკაცია შემსყიდველთან შეთანხმებით

აღნიშნულ ტენდერში მონაწილეობა მსურველ კომპანიებს 8-11 ნოემბრის პერიოდში შეეძლებათ.

გარდა ამისა, ადგილობრივმა თვითმმართველობას 2025 წლის დადგომასთან დაკავშირებული საშობაო-საახალწლო ნაძვის ხის ანთების სადღესასწაულო ღონისძიების ორგანიზების მომსახურების შესყიდვისათვის 91 350 ლარიანი ტენდერი აქვს გამოცხადებული. აღნიშნული თანხა 26 395 ლარით აღემატება წინა წელს ამავე მიზნით გამოცხადებულ ტენდერის საფასურს.