მარნეულის საკრებულოს თავმჯდომარე, ამირან გიორგაძე მოქალაქეებს მარნეულის მუნიციპალიტეტის 2025 წლის ბიუჯეტის პროექტირებაში აქტიური მონაწილეობისაკენ მოუწოდებს. ამირან გიორგაძემ 6 ნოემბერს გამართულ საკრებულოს სხდომაზე განაცხადა, რომ ბიუჯეტის პროექტის მარნეულის მერიამ საკრებულოს უკვე გადაუგზავნა და მოქალაქეებს წინადადებების შეტანა უკვე შეუძლიათ.

დღეს, 7 ნოემბერს, მარნეულის მუნიციპალიტეტის საკრებულომ 2025 წლის ბიუჯეტის პროექტის საჯარო განხილვის შესახებ განცხადება გაავრცელა.

„ადგილობრივი თვითმმართველობის კოდექსი“–ს საქართველოს ორგანული კანონის

91-ე მუხლის პირველი და მეორე პუნქტების შესაბამისად, საჯარო განხილვისათვის წარმოგიდგენთ მარნეულის მუნიციპალიტეტის 2025 წლის ადგილობრივი ბიუჯეტის პროექტს.
გთხოვთ თქვენი წინადადებები და შენიშვნები გადმოგვიგზავნოთ ელექტრონულ ფოსტაზე This e-mail address is being protected from spambots. You need JavaScript enabled to view it ან წერილობით მოგვაწოდოთ შემდეგ მისამართზე: ქალაქი მარნეული, რუსთაველის ქუჩა N73, I სართული, მოქალაქეთა მომსახურების განყოფილება“. - აღნიშნულია მარნეულის საკრბეულოს განცხადებაში

მარნეულის მუნიციპალიტეტის საკრებულოს განცხადების მიხედვით, მოქალაქეებს ბიუჯეტთან დაკავშირებული შენიშვნებისა და წინადადებების შეტანა 25 ნოემბრამდე შეეძლებათ.

ბიუჯეტის პროექტი შეგიძლიათ იხილოთ მარნეულის მუნიციპალიტეტის ვებგვერდზე.

რადიო „მარნეული“