მარნეულის მუნიციპალიტეტის სოფელ თამარისის სპორტულ ცენტრში, თენგიზ ნავერიანის ხსოვნისადმი მიძღვნილი, ტრადიციული, გუნდური საქართველოს ეროვნული ჩემპიონატი ქართულ ჭიდაობაში გაიმარება.
შეჯიბრში მონაწილეობა 2010-2011 წლებში დაბადებულ სპორტსმენებს შეეძლებათ. სფორტული სკოლის ინფორმაციით, ტურნირი 29-30 მარტს, 11:00 საათზე ჩატარდება.

“ სოფელ თამარისის სპორტულ დარბაზში, მარნეულის მუნიციპალიტეტის სპორტული სკოლის და საქართველოს ქართული ჭიდაობის ეროვნული ფედერაციის ორგანიზებით, გაიმართება ქვემო ქართლში ძიუდოს ერთ-ერთი დამაარსებლის და ჩოხიანი

ჭიდაობის დამფუძნებლის, საქართველოს დამსახურებული მწვრთნელის და სპორტის დამსახურებული ოსტატის, მარნეულის სპორტული სკოლის ფუძემდებლის, თენგიზ ნავერიანის ხსოვნისადმი მიძღვნილი ტრადიციული გუნდური საქართველოს ეროვნული ჩემპიონატი ქართულ ჭიდაობაში.” - განმარტავენ მარნეულის სპორტულ სკოლაში.

ტურნირში მონაწილეობას მიიღებენ საქართველოს სხვადასხვა რეგიონებისა და მუნიციპალიტეტის წარმომადგენელი სპორტსმენები.

ტურნირის საპრიზო ფონდი შეადგენს 18 000 ლარს.

• I ადგილი- 8 000 ლარი
• II ადგილი- 6 000 ლარი
• III ადგილი- 4 000 ლარი

აღსანიშნავია, რომ ქართული ჭიდაობა, იუნესკოს მიერ აღიარებულია მსოფლიოს არამატერიალური კულტურული მემკვიდრეობის ძეგლად.