მარნეულის მუნიციპალიტეტის სკოლებში პირველკლასელთა რეგისტრაციის მესამე ეტაპი მიმდინარეობს. მოსწავლეთა რეგისტრაციის ვებ-გვერდი დილის 09:00 საათზე გაიხსნა და ამ დროის მონაცემებით მარნულის ექვს საგანმანათლებლო დაწესებულებაში პირველკლასელთა მიღების ლიმიტები ზოგ შემთხვევაში ამოიწურა, ზოგან კი მხოლოდ რამდენიმე ადგილია დარჩენილი.

სრულადაა შევსებული ქალაქ მარნეულის №5 საჯარო სკოლის პირველკლასელთა ლიმიტი - 100 ადგილი

თავისუფალი ადგილები აღარ არის დარჩენილი ქალაქ მარნეულის №2 საჯარო სკოლაში. შევსებულია როგორც ქართული, ასევე რუსული სექტორები. მისაღებ პირველკლასელთა რაოდენობა 100.

122 მოსწავლე დარეგისტრირდა ქალაქ მარნეულის №6 საჯარო სკოლის ქართულ სექტორზე, სადაც ამ ეტაპზე 3 თავისუფალი ადგილი იძებნება. სრულადაა შევსებული ამავე საგანმანათლებლო დაწესებულების რუსულ სექტორი - 25 ადგილი

50 ადგილიდან მხოლოდ 5 თავისუფალი ადგილი იძებნება საიმერლოს საჯარო სკოლაში.

მარნეულის მუნიციპალიტეტის სოფელ წერეთელის საჯარო სკოლაში ქართულ სექტორზე განსაზღვრული ლიმიტი (50 მოსწავლე) სრულად შეივსო, ხოლო სომხურ სექტორზე 20 ადგილიდან 15- ია თავისუფალი.

სოფელ ახალი დიოკნისის საჯარო სკოლაში კი 25 თავისუფალი ადგილიდან მხოლოდ 1-ია დარჩენილი.

რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე registration.emis.ge. რეგისტრაციას უზრუნველყოფს მშობელი/კანონიერი წარმომადგენელი.

ელექტრონულად რეგისტრირებული მოსწავლის ჩასარიცხად აუცილებელი დოკუმენტების მიღება 18 ივნისიდან 27 ივნისის ჩათვლით განხორციელდება.

მოსწავლის ჩასარიცხად აუცილებელი დოკუმენტების განსაზღვრულ ვადებში წარუდგენლობის შემთხვევაში რეგისტრაცია ავტომატურად გაუქმდება.