მარნეულის მუნიციპალიტეტის ბაგა-ბაღების გაერთიანებამ გეგმავს 15 390 ლარად შეიძინოს ოთხი სახეობის პროდუქტი. შესყიდვა მოიცავს ხილის წვენს, ხილფაფას, ტომატის პასტას და ჩირს.

ხილის წვენი – 1,400 ლიტრი

ნატურალური, უშაქრო წვენი, რომელიც უნდა იყოს დამზადებული მოქმედი სტანდარტების შესაბამისად და დაფასოებული ქაღალდის პაკეტებში შესაბამისი მარკირებით. ეტიკეტზე სავალდებულოა მითითებული იყოს შემადგენლობა, ვარგისიანობის ვადა და ლიტრაჟი.

ხილფაფა – 504 კილოგრამი

100% ნატურალური ხილისგან დამზადებული პროდუქტი, ყოველგვარი ემულგატორების, კონსერვანტებისა და საღებავების გარეშე. შეფუთვა გათვალისწინებულია 1 კგ-მდე მინის ან უჟანგავი თუნუქის ქილებში, ეტიკეტით.



ტომატ-პასტა – 157 კილოგრამი

ნატურალური პომიდორისგან დამზადებული პასტა, არანაკლებ 25% ბრიქსის კონცენტრაციით. აკრძალულია გენმოდიფიცირებული ან სხვა მავნე დანამატების შემცველობა. პროდუქტი უნდა იყოს შეფუთული 300-გრამიან ქილებში შესაბამისი მარკირებით.

ხმელი ხილი – 258 კილოგრამი

ვაშლისა და ქლიავის 50/50 პროცენტიანი ნაზავი, უმაღლესი ხარისხის. კონსისტენცია უნდა იყოს მკვრივი, ხოლო ორგანოლეპტიკური და ჰიგიენური მაჩვენებლები – შესაბამისი ტექნიკური რეგლამენტის მოთხოვნებთან.

ტენდერში მონაწილეობის მიღება მსურველ კომპანიებს 28-30 ივლისის პერიოდში შეეძლებათ. გამარჯვებული ვალდებული იქნება მიწოდება ეტაპობრივად, 2025 წლის სექტემბრიდან 31 დეკემბრამდე განხორციელოს მარნეულისა და მიმდებარე სოფლებში მოქმედ 14 ბაგა-ბაღში.