Strateji və xüsusi əhəmiyyətli obyektin qrup halında ələ keçirilməsinə cəhd və qrup halında zorakılıqda iştirak ittihamı ilə saxlanılan yeddi nəfər barəsində məhkəmə həbs qərarı çıxarıb.

Bu qərarı Tbilisi Şəhər Məhkəməsinin hakimi Arsen Kalatozişvili qəbul edib.

Bugünkü iclasda saxlanılan Mamuka Labuçidze, Konstantine Kokaia, Vladimir Qvelesiani, Nika Qvencadze, Quriel Kardava, Zura Çavçani¬dze və Koba Epitaşvili barəsində qətimkan tədbirinin seçilməsi məsələsi müzakirə olunub.

Dövlət ittihamı onların hamısına ən sərt qətimkan tədbiri – həbsin tətbiqini tələb edib.

Prokuror Tamar Bejuaşvilinin sözlərinə görə, saxlanılan şəxslərin gizlənmə, yeni cinayət törətmə və sübutları məhv etmə riski mövcuddur.

Müdafiə tərəfi bu arqumentlə razılaşmayaraq, prokurorluğun vəsatətinə qarşı çıxıb.

Vəkillər təqsirləndirilən şəxslərin heç bir qətimkan tədbiri olmadan azad buraxılmasını, alternativ halda isə 5 000–7 000 lari məbləğində girov tətbiq edilməsini təklif ediblər.

Onların sözlərinə görə, işdə sübut yoxdur və saxlanılanların “qrup zorakılığında iştirak edənlər” kimi təqdim olunması, əslində, etirazların neytrallaşdırılmasına xidmət edir.

Məlumata görə, Vladimir Qvelesiani, Nika Qvencadze, Mamuka Labuçidze, Quriel Kardava, Zura Çavçani¬dze və Konstantine Kokaia Gürcüstan Cinayət Məcəlləsinin 19-222-ci maddəsinin 2-ci hissəsinin “a” bəndi (strateji və xüsusi əhəmiyyətli obyektin qrup halında ələ keçirilməsinə cəhd) və 225-ci maddənin 2-ci hissəsi (qrup halında zorakılıqda iştirak) ilə ittiham olunublar. Bu maddələrə əsasən, altı ilədək azadlıqdan məhrumetmə cəzası nəzərdə tutulur.

Koba Epitaşvili isə yalnız 225-ci maddənin 2-ci hissəsi (qrup halında zorakılıqda iştirak) üzrə ittiham olunur. Bu da eyni şəkildə altı ilədək azadlıqdan məhrumetmə ilə cəzalandırılır.

Mənbə: İnterPressNews

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.