არ ვართ კმაყოფილი არც შობადობის და არც ქორწინება-განქორწინების მაჩვენებლით – კობახიძე
პრემიერ-მინისტრობის კანდიდატის, ირაკლი კობახიძის განცხადებით, დემოგრაფია მთავრობის ერთ-ერთი უმთავრესი გამოწვევაა.

ამის შესახებ მან პარლამენტში ოპოზიციასთან თავის სამთავრობო გეგმის წარდგენისას, დღეს, 7 თებერვალს ისაუბრა.

მისი თქმით, მთავრობა ყველაფერს გააკეთებს ქვეყანაში დემოგრაფიული ვითარების გასაუმჯობესებლად, მათ შორის, მთავრობის 4-წლიან პროგრამაში ამისთვის კონკრეტული ნაბიჯები იქნება გათვალისწინებული.

„დემოგრაფიის კუთხით ჩვენ გვაქვს სერიოზული გამოწვევები. ჩვენ არ ვართ კმაყოფილი არც მიგრაციის მაჩვენებლით, არც შობადობის მაჩვენებლით, არც ქორწინება-განქორწინების მაჩვენებლით.

თუ გადახედავთ სტატისტიკას, ნახავთ, რომ გამოწვევები არის ძალიან სერიოზული. თუ სადმე გვაქვს განსაკუთრებული სირთულეები, ეს, პირველ რიგში, სწორედ დემოგრაფიაა, რომელსაც საქართველოს მთავრობის განსაკუთრებული ყურადღება სჭირდება”,
— განაცხადა ირაკლი კობახიძემ.

Print ელ. ფოსტა
FaceBook Twitter Google
მსგავსი სიახლეები