განსაკუთრებული დავალებათა დეპარტამენტის ოპერატიული დაგეგმვის სამმართველოს უფროსმა, ირაკლი შაიშმელაშვილმა, შინაგან საქმეთა მინისტრ ვახტანგ გომელაურს თანამდებობიდან გათავისუფლების მოთხოვნით მიმართა. შაიშმელაშვილის განცხადებით, მისი გადადგომის მიზეზი ოჯახური გარემოებებია. განცხადებაში ის აღნიშნავს: "გთხოვთ, ოჯახური პირობების გამო, გამანთავისუფლოთ დაკავებულ თანამდებობიდან და დამითხოვოთ საქართველოს შინაგან საქმეთა სამინისტროს რიგებიდან."

ირაკლი შაიშმელაშვილმა აღნიშნული განცხადება საკუთარ ფეისბუქ გვერდზე გააზიარა და საქართველოსა და ევროკავშირის დროშების ემოჯები დაამატა. ამ ეტაპზე შინაგან საქმეთა სამინისტროდან განცხადებას ოფიციალური რეაგირება არ მოჰყოლია, ხოლო შაიშმელაშვილის პირადმა პოსტმა სოციალურ ქსელში სხვადასხვა გამოხმაურება გამოიწვია.

ირაკლი შაიშმელაშვილი განსაკუთრებული დავალებათა დეპარტამენტში მნიშვნელოვან პოზიციას იკავებდა. მისი გადადგომა სამინისტროს ოპერატიულ საქმიანობაზე შესაძლოა გავლენას ახდენდეს, თუმცა ამ ეტაპზე უცნობია, ვინ დაიკავებს მის ადგილს.

რადიო "მარნეული" განაგრძობს ვითარების განვითარებაზე დაკვირვებას და საზოგადოებას უახლეს ინფორმაციას მიაწვდის.