„ქართული ოცნება“ ამზადებს კანონპროექტს, რომელიც პიროტექნიკის უნებართვოდ შემოტანა-გაყიდვასა და გამოყენებასთან დაკავშირებულ რეგულაციებს ამკაცრებს. ახალი რეგულაციებით, პიროტექნიკური ნაწარმის იმპორტი, ექსპორტი, წარმოება და რეალიზაცია ნებართვის/ლიცენზიის გარეშე დასჯადი იქნება ჯარიმით 5 000 ლარიდან 6 000 ლარამდე.

კანონპროექტი ითვალისწინებს ასევე პიროტექნიკის შეძენა-გამოყენებაზე შეზღუდვების დარღვევის შემთხვევაში ჯარიმებისა და სანქციების დაწესებას. დოკუმენტი 2025 წლის 1 აპრილიდან შევა ძალაში, რათა ბიზნესებს საკმარისი დრო ჰქონდეთ რეგულაციების შესასრულებლად. საკანონმდებლო პაკეტის ავტორები არიან პარლამენტის წევრები რატი იონათამიშვილი, ალექსანდრე ტაბატაძე და სხვა „ქართული ოცნების“ წარმომადგენლები.