Tbilisi Şəhər Məhkəməsində Levan Xabeişvilinin və Murtaz Zodelavanın məhkəmə prosesi keçirilib.

Hakim Levan Xabeişvilinin həbsdə qalmasına qərar verib, Murtaz Zodelavaya isə bu iş üzrə girov təyin olunub.

Prokurorluq Levan Xabeişvilini qanunsuz hərəkətin həyata keçirilməsi müqabilində rüşvət vəd etməkdə və dövlət hakimiyyətinin devrilməsinə çağırışda ittiham edir.

Levan Xabeişvili bu günkü prosesdə siyasi aktorlara müraciət edib:

"Hər gün ölkəmiz üçün həlledicidir. Sizə səkidə dayanmağı da qadağan edirlər. Bu oyun deyil… evinizə də gələcəklər. Təxminən üç yüz siyasi məhbus var, siz necə yatırsınız? Evinizdə necə rahat ola bilirsiniz? Aaa, gecə kapuçino içməlisiniz?

9 övlad anasını küçədə sürüklədilər və siz buna baxdınız. Efir vaxtını doldurursunuz, yorucudur sizin boşboğazlığınız… Birliyiniz barədə mənasız mübahisə edirsiniz. Onsuz da birlikdəsiniz, nəyə mübahisə edirsiniz? Cəmiyyətin iki tələbəsi var, bu məsələdə birlikdəsiniz, yenə də televiziyalara gedirsiniz və yenə birlikdən danışırsınız.
Qorxursunuz ki, sonra hərəkət etməli olacaqsınız…

Bax, sabah qalib gələcəyik, bax, birisi

gün qalib gələcəyik - 2008-ci ildə Antsuxeli¬d¬ze desəydi ki, “indi bu bayrağa tüpürüm, sonra vuruşaram” — belə olmaz. Bu uzunmüddətli proses deyil və hər gün Gürcüstan üçün itirilmiş gündür. DTX kimyəvi silah işlətdi. Bütün dünya bundan danışır" – deyə Levan Xabeişvili məhkəmə prosesində bildirib.

13 sentyabrda onun barəsində qətimkan tədbiri kimi həbs seçildi.

Levan Xabeişvili 11 sentyabrda saxlanılıb. O, "Formula" telekanalının həyətində tutulub.

Levan Xabeişvili ilə birlikdə DTX əməkdaşları Murtaz Zodelavanı da saxlayıb. O, saxlanılmadan əvvəl deyirdi ki, Levan Xabeişvilinin və onun telefonu əllərindən alınıb.