სურსათის ეროვნული სააგენტოს ინსპექტორებმა ფრინველის არალეგალური სასაკლაოები აჭარაში, ხელვაჩაურის მუნიციპალიტეტსა და იმერეთში, საჩხერის მუნიციპალიტეტში გამოავლინეს.

შპს „ატო“ ხელვაჩაურის ფერმის ტერიტორიაზე ფრინველს ვეტერინარული ზედამხედველობის გარეშე კლავდა, დარღვევები დაფიქსირდა სანიტარიულ-ჰიგიენურ ნორმებსა და ტექნოლოგიურ პროცესშიც. ბიზნესოპერატორს არ ჰქონდა სააგენტოს სავალდებულო აღიარება და არ იყო რეგისტრირებული ეკონომიკურ საქმიანობათა რეესტრში.

საჩხერეში, ინდმეწარმე ნ. ბ.-ს ფრინველთა სასაკლაოზეც კრიტიკული დარღვევები გამოვლინდა. ობიექტზე, ვეტერინარული ზედამხედველობის გარეშე, ტექნოლოგიური პროცესისა და სანიტარიულ-ჰიგიენური ნორმების დარღვევით დაკლული იყო 80 კილოგრამი ფრინველის ხორცი.

ორივე ბიზნესოპერატორი დაჯარიმდა და საწარმოო პროცესი შეწყდა, მანამ, სანამ დარღვევები არ აღმოფხვრებოდნენ.