შინაგან საქმეთა სამინისტროს თბილისის პოლიციის დეპარტამენტის ძველი თბილისის მთავარი სამმართველოს თანამშრომლებმა ჯანმრთელობის განზრახ ნაკლებად მძიმე დაზიანებისა და ჯგუფურად ჩადენილი ძალადობის ბრალდებით ოთხი პირი დააკავეს. დაკავებულები არიან: 2004 წელს დაბადებული ზ.თ., 2000 წელს დაბადებული ნ.დ., 1990 წელს დაბადებული შ.შ. და 1997 წელს დაბადებული რ.მ.

გამოძიებით დადგინდა, რომ მიმდინარე წლის 7 თებერვალს, თბილისში, ურთიერთშელაპარაკების ნიადაგზე, მათ 1990 წელს დაბადებულ ვ.ა.-ს განზრახ ნაკლებად მძიმე დაზიანება მიაყენეს, ხოლო 1988 წელს დაბადებულ პ.კ.-სა და 1990 წელს დაბადებულ გ.ზ.-ს ფიზიკური შეურაცხყოფა მიაყენეს.

დაშავებულები კლინიკაში გადაიყვანეს და შესაბამისი სამედიცინო დახმარება გაეწიათ.

სამართალდამცველებმა ჩატარებული ოპერატიული ღონისძიებების შედეგად ბრალდებულები ცხელ კვალზე დააკავეს.

გამოძიება სისხლის სამართლის კოდექსის 118-ე მუხლის მე-2 ნაწილითა და 126-ე მუხლის პირველი პრიმა ნაწილის „ბ“ და „გ“ ქვეპუნქტებით მიმდინარეობს. აღნიშნული დანაშაული 6 წლამდე ვადით თავისუფლების აღკვეთას ითვალისწინებს.