გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა 2026 წლის 1 იანვრიდან 31 იანვრის ჩათვლით პერიოდში უკანონო ტყითსარგებლობის 127 ფაქტი გამოავლინეს.

გამოვლენილი სამართალდარღვევებიდან 102 ხე-ტყის უკანონო მოპოვება-ტრანსპორტირებას ეხება, ხოლო 25 — სახერხი საამქროების მიერ ტექნიკური რეგლამენტის დარღვევასა და არარეგისტრირებული საამქროების საქმიანობას. ექვსი ფაქტი შეიცავს სისხლის სამართლის დანაშაულის ნიშნებს და მასალები შესაბამის უწყებებს გადაეგზავნა.

რეგიონების მიხედვით, ყველაზე მეტი — 49 ფაქტი კახეთში დაფიქსირდა. სამეგრელო-ზემო სვანეთში გამოვლენილია 27 შემთხვევა, აჭარაში — 16, სამცხე-ჯავახეთში და იმერეთში — 10-10, ქვემო ქართლში — 8, რაჭა-ლეჩხუმი-ქვემო სვანეთში — 5, ხოლო შიდა ქართლსა და მცხეთა-მთიანეთში — თითო ფაქტი.

იანვარში ასევე დალუქულია 3 არარეგისტრირებული სახერხი საამქრო — 2 აჭარაში და 1 ქვემო ქართლში.