შინაგან საქმეთა სამინისტროს თბილისის პოლიციის დეპარტამენტის ძველი თბილისის მთავარი სამმართველოს თანამშრომლებმა, 1996 წელს დაბადებული, წარსულში ნასამართლევი ს.დ. ნარკოტიკული საშუალების არაერთგზის უკანონო შეძენა-შენახვისა და რეალიზაციის ხელშეწყობის ბრალდებით დააკავეს.

პოლიციამ პირადი ჩხრეკისას ნივთმტკიცებად ამოიღო 9 შეკვრად დაფასოებული, სარეალიზაციოდ გამზადებული ფსიქოაქტიური ნივთიერება – ე.წ. „ბიო“. საგამოძიებო ექსპერიმენტის შედეგად ნარკოტიკული ნივთიერებები კიდევ 30 ადგილიდან ამოიღეს.

გამოძიება მიმდინარეობს საქართველოს სისხლის სამართლის კოდექსის 260-ე და 260-ე კვარტა მუხლებით, რაც 20 წლამდე ან უვადო თავისუფლების აღკვეთას ითვალისწინებს.