2026 წლის 1-ელი იანვრის მდგომარეობით, საქართველოში რეგისტრირებულია 1 102 139 ბიზნეს სუბიექტი, საიდანაც აქტიური სტატუსი მხოლოდ 294 573-ს აქვს. სტატისტიკის ეროვნული სამსახურის მონაცემების თანახმად, რეგისტრირებული ბიზნესებიდან აქტიური დაახლოებით 26.7%-ია.

შეგახსენებთ, 2026 წლის აპრილამდე საწარმოებმა სარეგისტრაციო მონაცემების „მეწარმეთა შესახებ“ კანონით დადგენილ მოთხოვნებთან შესაბამისობაში მოყვანა უნდა უზრუნველყონ.

იმ შემთხვევაში, თუ 2026 წლის 1-ელ აპრილამდე საწარმოს/ფილიალს კანონთან შესაბამისობაში არ ექნება მონაცემები მოყვანილი, რეგისტრაცია შეუჩერდება.

კანონის თანახმად, აღნიშნული ვალდებულება ვრცელდება 2022 წლის 1-ელ იანვრამდე რეგისტრირებულ შემდეგი ტიპის საწარმოებზე: შეზღუდული პასუხისმგებლობის საზოგადოება; სოლიდარული პასუხისმგებლობის საზოგადოება; სააქციო საზოგადოება; კომანდიტურ საზოგადოება; კოოპერატივი; უცხოური საწარმოს ფილიალი.

ვალდებულება ინდივიდუალურ მეწარმეებსა და არასამეწარმეო (არაკომერციული) იურიდიულ პირებზე არ გავრცელდება.

„საქსტატის“ მონაცემების მიხედვით, გთავაზობთ აღნიშნულ ინფორმაციას:

• ინდივიდუალური მეწარმე - 667 318 - (აქტიური 201 111);
• კომერციული იურიდიული პირები - 388 887 (აქტიური - 86 126);
• შეზღუდული პასუხისმგებლობის საზოგადოება - 376 987 (აქტიური 84 984);
• არასამეწარმეო იურიდიული პირები - 33 925 (აქტიური 3 987);
• კოოპერატივი - 5 774 (აქტიური 165);
• საჯარო სამართლის სუბიექტები - 5 306 (აქტიური 2 638);
• სააქციო საზოგადოება - 3 201 (აქტიური 844 );
• სოლიდარული პასუხისმგებლობის საზოგადოება - 2 740 (აქტიური 117);
• კომანდიტური საზოგადოება - 185 (აქტიური 16);
• სხვა - 6 703 - (აქტიური 711).