ბრენდული ბენზინგასამართების დიდ ნაწილში საწვავის ფასი ისევ გაიზარდა. ბოლო 4 დღის განმავლობაში მატება კიდევ 5-დან 15 თეთრამდეა. შედეგად, 9 მარტიდან დღემდე საწვავი 32-დან 90 თეთრამდე გაძვირდა.

აქვე შეგახსენებთ, რომ ახლო აღმოსავლეთში მიმდინარე მოვლენების გამო, ჰორმუზის სრუტის გავლით გადაზიდვები შეფერხდა. ეს მაშინ, როდესაც მსოფლიო ნავთობის მომარაგების დაახლოებით მეხუთედი, სწორედ, ჰორმუზის სრუტით ხორციელდებოდა. აშშ-ისრაელსა და ირანს შორის ომის დაწყების შემდეგ კი, სრუტეში გადაადგილება თითქმის შეჩერდა, რაც გავლენას ახდენდა „შავი ოქროს“ გლობალურ ფასებზე.

თუმცა, მას შემდეგ, რაც რაც აშშ-ის პრეზიდენტმა, დონალდ ტრამპმა ირანთან ორკვირიანი ცეცხლის შეწყვეტის შეთანხმების შესახებ გამოაცხადა, ნავთობის ფასი ბარელზე რეკორდულად დაეცა.
უფრო კონკრეტულად, გადაწყვეტილების გამოცხადების შემდეგ ბრენტის ტიპის ნავთობის „ფიუჩერსები“ დაახლოებით 16%-ით დაეცა და ბარელზე ფასი 93 დოლარს შეადგენს. აშშ-ის WTI-ის ტიპის ნავთობის ფასი კი 14%-ით, დაახლოებით 96 დოლარამდე შემცირდა.

რა ღირს ამ დროისთვის საწვავი საქართველოში, სადაც გლობალურ ბაზარზე შექმნილი ვითარება, მყისიერად აისახა და 9 მარტიდან 3 აპრილამდე საწვავის ფასი 32-დან 90 თეთრამდე გაიზარდა.

გთავაზობთ მონაცემებს, თუ როგორია საწვავის ფასები დღეს სხვადასხვა ბრენდულ ბენზინგასამართ სადგურზე და როგორ შეიცვალა ღირებულება, მას შემდეგ, რაც საწვავმა გაძვირება დაიწყო ქვეყანაში: (შენიშვნა: ფასები შედარებულია 2026 წლის 7 მარტის მონაცემებთან)

Gulf (ზრდა 46-დან 84 თეთრამდე) (ფასები ბოლო დღეების განმავლობაში არ შეცვლილა)

• G-Force სუპერი - 3.99 ლარი (3.53 ლარი იყო), გაიზარდა 46 თეთრით;
• G-Force პრემიუმი - 3.59 ლარი ( 3.07 ლარი იყო), ზრდა 52 თეთრი;
• G-Force ევრო რეგულარი - 3.45 ლარი (2.97 ლარი იყო), გაიზარდა 48 თეთრით;
• ევრო რეგულარი - 3.43ლარი (2.92 ლარი იყო), გაიზარდა 51 თეთრით;
• G-Force ევრო დიზელი - 3.97 (3.13 ლარი იყო), გაიზარდა 84 თეთრით;
• ევრო დიზელი - 3.87ლარი ( 3.35ლარი იყო), გაიზარდა 52 თეთრით.

Wissol (ბოლო 4 დღეში ყველა ტიპის ბენზინის ფასი ფაიზარდა 6 თეთრით, დიზელის 10 თეთრით - ჯამში ზრდა 44-დან 69 თეთრამდე

• ეკო სუპერი - 3.98 ლარი ( 3.54 ლარი იყო), გაიზარდა 44 თეთრით;
• ეკო პრემიუმი - 3.58 ლარი (3.12 ლარი იყო), გაიზარდა 46 თეთრით;
• ეკო დიზელი - 3.92 ლარი (3.23 ლარი იყო), გაიზარდა 69 თეთრით;
• ევრო დიზელი - 3.87 ლარი (3.18 ლარი იყო), გაიზარდა 69 თეთრით;
• ევრო რეგულარი -3.43 ლარი ( 2.97 ლარი იყო), გაიზარდა 46 თეთრით.

Socar (ბოლო 4 დღეში ბენზინის ფასი 5 თეთრით, დიზელის 15 თეთრით კიდევ გაიზარდა - ჯამში ზრდა 32-დან 82 თეთრამდე)

• ნანო სუპერი - 3.87 ლარი (3.55 ლარი იყო), გაიზარდა 32 თეთრით;
• ნანო პრემიუმი -3.55 ლარი ( 3.11 ლარი იყო), გაიზარდა 44 თეთრით;
• ნანო ევრო რეგულარი - 3.39 ლარი ( 2.95 ლარი იყო), გაიზარდა 44 თეთრით;
• ევრო 5 დიზელი - 3.80 ლარი (2.99 ლარი იყო), გაიზარდა 81 თეთრით;
• ნანო ევრო 5 დიზელი -3.90 (3.08 ლარი იყო), გაიზარდა 82 თეთრით.

Rompetrol (ბოლო 4 დღეში სუპერის ტიპის ბენზინის ფასი გაიზარდა 6 თეთრით, პრემიუმის შემცირდა 10 თეთრით, დიზელის გაიზარდა 10 თეთრით - ჯამში ზრდა 28-დან 80 თეთრამდე)

• Efix სუპერი - 3.99 ლარი (3.59 ლარი იყო), გაიზარდა 40 თეთრით;
• Efix ევრო პრემიუმი - 3.43 ლარი (3.15 ლარი იყო), გაიზარდა 28 თეთრით;
• ევრო რეგულარი - 3.39 ლარი (3.04 ლარი იყო), გაიზარდა 35 თეთრით;
• Efix ევრო დიზელი - 3.95 ლარი (3.15 ლარი იყო), გაიზარდა 80 თეთრით;
• ევრო დიზელი - 3.90 (3.10 ლარი იყო), გაიზარდა 80 თეთრით.

Portal (ბოლო 4 დღეში სუპერის ფასი გაიზარდა 7 თეთრით, პრემიუმის და რეგულარის 15 თეთრით, დიზელის 10 თეთრით - ჯამში ზრდა 40-დან 90 თეთრამდე)

• სუპერი -3.44 ლარი ( 2.99 ლარი იყო), გაიზარდა 45 თეთრით;
• პრემიუმი - 3.34 ლარი (2.94 ლარი იყო), გაიზარდა 40 თეთრით;
• ევრო რეგულარი - 3.14 ლარი (2.74 ლარი იყო), გაიზარდა 40 თეთრით;
• ევრო დიზელი - 3.89 ლარი ( 2.99 ლარი იყო), გაიზარდა 90 თეთრით;
• ეფექტური დიზელი - 3.69ლარი ( 2.84 ლარი იყო), გაიზარდა 85 თეთრით.