Gürcüstanın keçmiş baş prokuroru, hazırda Tbilisi tərəfindən axtarışda olan Zurab Adeişvili – Ukraynada müxtəlif yüksək vəzifələr tutmuş şəxs – 2026-cı ilin mart ayının sonunda yeni vəzifəyə təyin olunub.

Hazırda Zurab Adeişvili Ukrayna Milli Polisində Ukraynada İnterpolun Milli Mərkəzi Bürosunun funksiyalarını yerinə yetirən departamentə rəhbərlik edir.

Ukrayna Milli Polisinin (NPU) rəsmi saytında yerləşdirilən məlumata görə, Zurab Adeişvili NPU-da “Beynəlxalq Polis Əməkdaşlığı Departamentinin direktoru” vəzifəsini tutur.

Onun vəzifəsi nədir

• İnterpolun bütün üzv ölkələrində, o cümlədən Ukrayna və Gürcüstanda İnterpolun Milli Mərkəzi Büroları fəaliyyət göstərir;
• Bu bürolar müvafiq ölkələrin hüquq-mühafizə orqanlarını İnterpolun Baş Katibliyi ilə əlaqələndirir;
• Məsələn, Gürcüstanda “İnterpolun Milli Mərkəzi Bürosu” Gürcüstan Daxili İşlər Nazirliyinin Mərkəzi Kriminal Polis Departamentinin tərkibində fəaliyyət göstərir;
• Bütün üzv ölkələrdə bu cür vəzifələrə kadrları müvafiq ali qurum təyin edir – Ukraynada bu funksiyanı Ukrayna Milli Polisi yerinə yetirir;
• Ukraynada İnterpolun Milli Mərkəzi Bürosunun funksiyaları məhz “Beynəlxalq Polis Əməkdaşlığı Departamenti”nə həvalə olunub;
• Məhz bu departamentin rəhbəri Zurab Adeişvili olub;
• Onun müavini İvan Qulpa, eyni zamanda “İnterpol və Europol ilə əlaqələr idarəsinin rəhbəri”dir.

Tbilisi tərəfindən axtarışda
Gürcüstanda Gürcü Arzusu hökuməti 2012-ci ildən Zurab Adeişvilini axtarışa verib.

Tbilisinin müraciəti əsasında 2013–2015-ci illərdə Adeişvili beynəlxalq İnterpol tərəfindən də “qırmızı bülleten”lə axtarışda olub, lakin 2015-ci il 9 apreldən bu axtarış dayandırılıb.

Səbəb kimi İnterpol onun üzv dövlətlərdən biri tərəfindən Zurab Adeişviliyə “qaçqın statusu” verilməsini göstərib.

Bu qərar rəsmi Tbilisinin tənqidi və “təəccübü” ilə qarşılanıb.

Zurab Adeişvili 2012-ci ildə hakimiyyət dəyişikliyindən sonra ölkəni tərk edib. O vaxtdan bəri Gürcüstan məhkəmələri onu bir neçə cinayət işi üzrə təqsirli bilib. Müxalifət isə bunu siyasiləşdirilmiş ədalət kimi qiymətləndirib.

Tbilisi 2024-cü ildə də Adeişvilinin ekstradisiyasını Almaniya, Belçika və Niderland qurumlarından tələb etsə də, nəticə əldə olunmayıb. Bu uğursuz müraciətlər Gürcüstan hakimiyyətinin yenidən tənqidinə səbəb olub.

Həmin dövrdə Adeişvili Ukraynanın baş prokurorunun müşaviri vəzifəsini tuturdu.

Keçmiş prezident Mixeil Saakaşvili – Adeişvilinin də daxil olduğu komandanın üzvü və müxtəlif dövrlərdə Ukraynada yüksək vəzifələrdə çalışmış şəxs – 8 aprel tarixində Facebook-da yazıb:

“Yeni vəzifəsində Zurab Ukraynada cinayət törədən şəxslərin saxlanılması və xaricdən ekstradisiyası, eləcə də xaricdə cinayət törədənlərin Ukrayna ərazisində axtarışı ilə məşğul olacaq”.


“Gürcü Arzusu”nun qanadı olan “Xalqın Gücü”nün liderlərindən biri Sozar Subari isə bildirib:

“Zurab Adeişvili Ukrayna hakimiyyətinə məhz vaxtilə Gürcüstanda lazım olduğu səbəbdən lazımdır”.

Onun cinayətləri barədə hamının hər şeyi bildiyini, lakin heç kimin danışmadığını deyəndə, bu o deməkdir ki, onun əməlləri təkcə qəbul olunmurdu, çox vaxt, görünür, kənardan planlaşdırılırdı”, – deyə o, “İmedi” telekanalına müsahibəsində qeyd edib.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.