2026 წლის 1-ლი აპრილის მდგომარეობით, საქართველოში 1 116 541 ბიზნეს სუბიექტია რეგისტრირებული, საიდანაც აქტიურია მხოლოდ 27%. ამის შესახებ საქსტატის მონაცემებიდან ჩანს. სტატისტიკის მიხედვით, ამათგან მხოლოდ 305 502 კომპანიაა მოქმედი.

რაც შეეხება საქმიანობის სახეებს, მონაცემების თანახმად, რაოდენობრივად ყველაზე მეტი უფუნქციო კომპანია საბითუმო და საცალო ვაჭრობა/ავტომობილების და მოტოციკლების რემონტის დარგშია. აქ ჯამში 221 333 კომპანიაა რეგისტრირებული, საიდანაც 137 111 ათასამდე ბიზნესი (62%) არ მუშაობს.

უფრო კონკრეტულად, „ბიზნესპრესნიუსი“ გთავაზობთ, 2026 წლის 1-ლი აპრილის მდგომარეობით, საქმიანობების მიხედვით აქტიური და უფუნქციო ბიზნეს სუბიექტების რაოდენობის შესახებ ინფორმაციას:

• სოფლის, სატყეო და თევზის მეურნეობა - 11 931 რეგისტრირებული, აქედან აქტიური 3 790 (68% უფუნქციოა);
• სამთომოპოვებითი მრეწველობა და კარიერების დამუშავება - 2 335 რეგისტრირებული, აქტიური 705 (69.8% უფუნქციო);
• დამამუშავებელი მრეწველობა - 52 631 რეგისტრირებული, 19 094 აქტიური (63.7% უფუნქციო);
• ელექტროენერგიის, აირის, ორთქლის და კონდიცირებული ჰაერის მიწოდება - 584 რეგისტრირებული , 279 აქტიური (52% უფუნქციო);
• წყალმომარაგება; კანალიზაცია, ნარჩენების მართვა და დაბინძურებისაგან გასუფთავების საქმიანობები - 1 056 რეგისტრირებული, 282 აქტიური (73% უფუნქციო);
• მშენებლობა - 46 548 რეგისტრირებული, 21 132 აქტიური (54.6% უფუნქციო);
• საბითუმო და საცალო ვაჭრობა; ავტომობილების და მოტოციკლების რემონტი - 221 333 რეგისტრირებული, 83 522 აქტიური (62% უფუნქციო);
• ტრანსპორტი და დასაწყობება - 50 651 რეგისტრირებული, 28 215 აქტიური (44% უფუნქციო);
• განთავსების საშუალებებით უზრუნველყოფის და საკვების მიწოდების საქმიანობები - 30 871 რეგისტრირებული, 11 583 აქტიური (62% უფუნქციო);
• ინფორმაცია და კომუნიკაცია - 39 895 რეგისტრირებული, 26 285 აქტიური (34% უფუნქციო);
• საფინანსო და სადაზღვევო საქმიანობები - 5 783 რეგისტრირებული, 1 728 აქტიური (70% უფუნქციო);
• უძრავ ქონებასთან დაკავშირებული საქმიანობები - 14 812 რეგისტრირებული, 8 638 აქტიური (41.7% უფუნქციო);
• პროფესიული, სამეცნიერო და ტექნიკური საქმიანობები - 28 231 რეგისტრირებული, 14 160 აქტიური (49.8% უფუნქციო);
• ადმინისტრაციული და დამხმარე მომსახურების საქმიანობები - 17 552 რეგისტრირებული, 8 587 აქტიური (51% უფუნქციო);
• სახელმწიფო მმართველობა და თავდაცვა; სავალდებულო სოციალური დაცვა - 1 574 რეგისტრირებული, 428 აქტიური (72.8% უფუნქციო);
• განათლება - 12 436 რეგისტრირებული, 7 302 აქტიური (41% უფუნქციო);
• ჯანდაცვა და სოციალური მომსახურების საქმიანობები - 7 862 რეგისტრირებული, 3 827 აქტიური (51% უფუნქციო);
• ხელოვნება, გართობა და დასვენება - 8 303 რეგისტრირებული, 3 771 აქტიური (54.6% უფუნქციო);
• ექსტრატერიტორიული ორგანიზაციების და ორგანოების საქმიანობები - 97 რეგისტრირებული, 12 აქტიური (88% უფუნქციო);
• საქმიანობა უცნობია - 537 177 რეგისტრირებული, 55 684 აქტიური (90% უფუნქციო).