შინაგან საქმეთა სამინისტროს თბილისის პოლიციის დეპარტამენტის ძველი თბილისის მთავარი სამმართველოს თანამშრომლებმა, განსაკუთრებით დიდი ოდენობით ნარკოტიკული ნივთიერებისა და ფსიქოტროპული საშუალების უკანონო შეძენა-შენახვისა და რეალიზაციის ხელშეწყობის ბრალდებით, ორი პირი დააკავეს. სამინისტროს ინფორმაციით, დაკავებულთაგან ერთ-ერთი უცხო ქვეყნის მოქალაქეა.

სამართალდამცველებმა ბრალდებულების პირადი ჩხრეკის, ასევე, ერთ-ერთი მათგანის კუთვნილი ავტომობილის შემოწმების შედეგად, ნივთმტკიცებად განსაკუთრებით დიდი ოდენობით სხვადასხვა სახის აკრძალული საშუალება ამოიღეს. კერძოდ, პოლიციამ ამოიღო 500 აბი ფსიქოტროპული ნივთიერება „პრეგაბალინი“ და 2 კილოგრამამდე გამომშრალი ნარკოტიკული საშუალება „მარიხუანა“.

მომხდარ ფაქტზე გამოძიება საქართველოს სისხლის სამართლის კოდექსის 260-ე, 260-ე კვარტა და 261-ე მუხლებით მიმდინარეობს. აღნიშნული მუხლები სასჯელის სახით 20 წლამდე ან უვადო თავისუფლების აღკვეთას ითვალისწინებს.