სურსათის ეროვნული სააგენტოს იმერეთის დეპარტამენტის ინსპექტორებმა,
სახელმწიფო კონტროლის ფარგლებში,
ხონის მუნიციპალიტეტის სოფელ ახალშენში არალეგალური ყველის საწარმო
გამოავლინეს.
სახელმწიფო კონტროლის შედეგად დადგინდა, რომ ფიზიკური პირი მ.ფ. ყველს
სავალდებულო აღიარების გარეშე და ეკონომიკურ საქმიანობათა რეესტრში
რეგისტრაციის გარეშე აწარმოებდა.
ობიექტზე კრიტიკული შეუსაბამობები გამოვლინდა, მათ შორის,
ტექნოლოგიური პროცესის დარღვევით დამზადებული ყველი. პროდუქცია
შემდგომი განადგურების მიზნით დაილუქა. საწარმოში ასევე დარღვეული იყო
სურსათის ეტიკეტირების
წესები.
გამოვლენილი დარღვევების გამო, ბიზნესოპერატორი დაჯარიმდა, ხოლო
ობიექტს საწარმოო პროცესი შეუჩერდა.
სურსათის ეროვნული სააგენტო არალეგალური საწარმოების გამოვლენას მთელი
ქვეყნის მასშტაბით განაგრძობს და ბიზნესოპერატორებს მოუწოდებს,
პროდუქცია არ აწარმოონ სავალდებულო აღიარების გარეშე და საქმიანობა
მხოლოდ კანონმდებლობით დადგენილი მოთხოვნების დაცვით
განახორციელონ.