სახელმწიფო უსაფრთხოების სამსახურის ანტიკორუფციული სააგენტოს
თანამშრომლებმა თაღლითობის მცდელობისა და ყალბი
ოფიციალური დოკუმენტის დამზადების და გასაღების ფაქტებზე თურქეთის
რესპუბლიკის ორი მოქალაქე: თალჰა ო. და ჰუსეინ ჩ. დააკავეს.
როგორც „ინტერპრესნიუსს“ სუს-იდან აცნობეს, აღნიშნულმა პირებმა
სპეციალური ტექნიკური საშუალებების გამოყენებით, შემდგომი გასაღების
მიზნით, დაამზადეს საქართველოს ბინადრობისა და მართვის ყალბი მოწმობა
და თურქეთის მოქალაქეს 1 600 დოლარად მიჰყიდეს.
გამოძიება თაღლითობის მცდელობისა და ყალბი ოფიციალური დოკუმენტის
დამზადების და გასაღების ფაქტებზე სსკ-ის სსკ-ის 19-180-ე მუხლის მე-2
ნაწილის „ბ“ ქვეპუნქტითა და 362-ე მუხლის 1-ლი ნაწილით მიმდინარეობს,
რაც თავისუფლების 4-დან 7 წლამდე აღკვეთას ითვალისწინებს.