სტამბოლის მერობის არჩევნებში ექრემ იმამოღლუმ გაიმარჯვა
სტამბოლის მერობის არჩევნებში ექრემ იმამოღლუმ
გაიმარჯვა.
განმეორებით ჩატარებული სტამბოლის მერობის არჩევნების არაოფიციალური
შედეგების მიხედვით, რესპუბლიკური სახალხო პარტიის (CHP) და პარტია
„იი“-ს (İYİ) კანდიდატმა ექრემ იმამოღლუმ გაიმარჯვა.
უმაღლესი საარჩევნო კომისიის გადაწყვეტილებით, ხელმეორედ ჩატარებული
სტამბოლის მერობის არჩევნებში არაოფიციალური მონაცემების მიხედვით,
ექრემ იმამოღლუმ 4 მილიონ 741 ათას 868, სამართლიანობისა და
განვითარების პარტიის (AKP) მერობის კანდიდატმა ბინალი ილდირიმმა კი 3
მილიონ 935 ათას 453 ხმა მიიღეს.
არჩევნებში რეგისტრირებული 10 მილიონ 570 ათას 354 ამომრჩევლიდან
მონაწილეობა 8 მილიონ 925 ათას 63-მა მიიღო. 178 ათას 599 ბიულეტენი
ბათილად იქნა ცნობილი.
არაოფიციალური მონაცემების მიხედვით, სტამბოლის მერად არჩეულმა ექრემ
იმამოღლუმ ხმების 54,21% ანუ 4 მილიონ 741 ათას 868, ბინალი ილდირიმმა
კი ხმების 44,99% ანუ 3 მილიონ 935 ათას 453 ხმა მოაგროვეს.
პარტია „კეთილდღეობის“ (Saadet) მერობის კანდიდატმა ნეჯდეთ გოქჩინარმა
47 ათას 829, პარტია სამშობლოს (Vatan) კანდიდატმა მუსტაფა ილქერ
იუჯელმა კი 14 ათას 545 ხმა მიიღეს.
წყარო: trt.net.tr