მოსახლეობა ყველაზე კარგად მართლმადიდებელი ეკლესიის საქმიანობას აფასებს, ცუდად – პარლამენტის
00:01 / 20.09.2019
NDI-ის კვლევის თანახმად, ინსტიტუტებს შორის
მოსახლეობა ყველაზე დადებითად საქართველოს მართლმადიდებელ ეკლესიის
საქმიანობას აფასებს.
კერძოდ, მართლმადიდებელი ეკლესიის საქმიანობას კარგად აფასებს
გამოკითხულთა 64%, საშუალოდ – 20%, ცუდად – 5%.
მეორე ადგილზეა იუსტიციის სახლები, რომლის საქმიანობასაც დადებითად
აფასებს 57%, საშუალოდ – 25%, ხოლო უარყოფითად – 8%.
შემდეგ მოდის ჯარი 53%-იანი დადებითი შეფასების მაჩვენებლით. ამასთან,
ჯარის საქმიანობას საშუალოდ აფასებს გამოკითხულთა 28% და უარყოფითად –
8%.
რაც შეეხება საქართველოს პოლიციას, მის საქმიანობას კარგად აფასებს
მოსახლეობის 42%, საშუალოდ – 37%, უარყოფითად – 14%.
ინსტიტუტებს შორის ყველაზე ცუდი შეფასების მაჩვენებელი საქართველოს
პარლამენტს აქვს. საკანონმდებლო ორგანოს საქმიანობას კარგად მხოლოდ
გამოკითხულთა 8% აფასებს, საშუალოდ – 39%, ხოლო უარყოფითად – 42%.
ასევე, უარყოდითი რეიტინგი აქვს თბილისის საკრებულოს (დადებითად – 9%,
უარყოფითად – 28%) და საერთო სასამართლოებს (დადებითად -10%,
უარყოფითად – 28%).
NDI-ის კვლევის საველე სამუშაოები 13-29 ივლისს ჩატარდა. გამოიკითხა 2
131 რესპოდენტი. კვლევის საშუალო ცდომილების ზღვარი +/- 1,7%-ია.
კვლევა ჩატარებულია NDI-ის დაკვეთით, CRRC-საქართველოს მიერ. კვლევა
დიდი ბრიტანეთის მთავრობის UK aid-ის ფინანსური ხელშეწყობით
ხორციელდება.