თენგიზ ცერცვაძე - საქართველოში C ჰეპატიტის განკურნების სარეკორდო მაჩვენებელი გვაქვს
საქართველოში C ჰეპატიტის
განკურნების სარეკორდო მაჩვენებელი გვაქვს – 98.7 პროცენტი, ხოლო
შიდსით ავადმყოფებში განკურნების მაჩვენებლი 95.6 პროცენტს
შეადგენს, – ამის შესახებ აივ შიდსის ცენტრის
გენერალურმა დირექტორმა,
თენგიზ ცერცვაძემ კონფერენციის „C ჰეპატიტის
მიკრო-ელიმინაცია აივ/შიდსით ავადმყოფებში“ დაწყებამდე ჟურნალისტებს
განუცხადა.
მისი თქმით, პრობლემის აღმოსაფხვრელად მნიშვნელოვანია, განხორციელდეს
მიკროელიმინაციები ცალკეულ ფოკუს ჯგუფებში.
„შედეგები ჯერ კარგია. თუ C ჰეპატიტის განკურნების მაჩვენებლები
მსოფლიოში სარეკორდო გვაქვს – 98.7%, შიდსით ავადმყოფებში ეს
შედარებით დაბალია, მაგრამ 95,6 % შიდსიანებისთვისაც მაღალი
მაჩვენებელია. შიდსიანები უნდა გამოვავლინოთ და ყველა მათგანში С
ჰეპატიტი განვკურნოთ. ეს არის ამ პროგრამის მიზანი“, –
განაცხადა თენგის ცერცვაძემ.
კონფერენციაში დარგის სპეციალისტებთან ერთად, მსოფლიოს წამყვანი
ექსპერტები მონაწილეობენ. ორგანიზატორების თქმით, კონფერენცია ხელს
შეუწყობს აივ/შიდსისა და C ჰეპატიტის დარგების შემდგომ განვითარებას.
ასევე მათი თქმით, მსგავსი შეხვედრები დაეხმარება ელიმინაციის
სამიზნეების მიღწევას, როგორც საქართველოში, ასევე მთლიანად დასავლეთ
ევროპის რეგიონში.
კონფერენცია ორდღიანია და ხვალ დასრულდება.