მიღწევებით ღარიბი მოსწავლეები მდიდრებს 78 ქულით ჩამორჩებიან
16:41 / 20.11.2019
ეკონომიკური თანამშრომლობისა და განვითარების ორგანიზაცია (OECD) 2019 წლის მიმოხილვას აქვეყნებს, განათლებაში შეფასებისა და ატესტაციის სისტემების შესახებ.
შეფასებაში ნათქვამია, რომ საქართველოში, 15 წლის ასაკის მოსწავლეებში, 2009 წლიდან 2015 წლამდე პერიოდში სწავლის შედეგები მნიშვნელოვნად გაუმჯობესდა კითხვაში, მათემატიკასა და საბუნებისმეტყველო მეცნიერებებეში. თუმცა, „საქართველოში მიღწეული პროგრესი მოსახლეობის ყველა ჯგუფს თანაბრად არ შეეხო“.
სწავლის შედეგების მიხედვით, 2015 წელს დაბალი სოციალურ-ეკონომიკური სტატუსის მქონე მოსწავლეებმა 78 ქულით ნაკლები აიღეს, ვიდრე მაღალი სოციალურ-ეკონომიკური სტატუსის მქონე მოსწავლეებმა, „რაც უხეშად, სკოლაში სწავლის 2,5 წელს უდრის“.
OECD-ს 2016 წლის კვლევის მიხედვით, ეს სხვაობა უფრო მაღალია, ვიდრე რუსეთსა (58 ქულიანი განსხვავება) და თურქეთში (59 ქულიანი განსხვავება).
ორგანიზაციის რეკომენდაციაა, რომ აკადემიურ მოსწრებასთან ერთად, განათლებაში თანასწორობა გაიზარდოს.
ამისთვის კი, როგორც კვლევაში წერია, არსებითია, რომ „საქართველომ შეიმუშაოს შეფასებისა და ატესტაციის ისეთი სისტემები, რომლებიც შეძლებენ დაბალი და უთანასწორო შედეგების იდენტიფიცირებას და ამ გამოწვევის გადაჭრას მანამ, ვიდრე ეს უთანასწორობა ფესვებს გაიდგამს“.
მოსწავლეთა
პროცენტული რაოდენობა
საბუნებისმეტყველო
მეცნიერებებში
მიღწევის სხვადასხვა ჯგუფებში, PISA
2015
ეკონომიკური თანამშრომლობისა და განვითარების ორგანიზაცია, საერთაშორისო ეკონომიკური ორგანიზაციაა, რომელიც მუშაობს უკეთესი პოლიტიკის შემუშავებაზე, რაც ხელს შეუწყობს კეთილდღეობას, თანასწორობას და შესაძლებლობას ყველასთვის.
წყარო:
batumelebi.netgazeti.ge
