აქციის მონაწილეებმა ეროვნულ ბიბლიოთეკასთან გადაინაცვლეს [ფოტო]
12:37 / 29.11.2019
პარლამენტთან აქციის მონაწილეებმა ეროვნულ
ბიბლიოთეკასთან გადაინაცვლეს. როგორც საქართველოს პირველი არხის
ჟურნალისტი ადგილიდან იტყობინება,
ოპოზიციის ლიდერებმა მოითათბირეს,
ბიბლიოთეკასთან მოაწყონ აქცია, სადაც იუსტიციის მინისტრი თეა
წულუკიანი უნდა მივიდეს.
„თეა წულუკიანმა უნდა იგრძნოს, რომ საზოგადოება ძალიან
ცუდად არის განწყობილი ამ პოლიტიკური კლოუნის მიმართ“,
– განაცხადა „ევროპული საქართველოს“ წარმომადგენელმა გიგა
ბოკერიამ.
პარლამენტის მიმდებარე ტერიტორიაზე აქციის რამდენიმე მონაწილე რჩება.
ადგილზე იმყოფებიან სამართალდამცველები.