სომხეთის თავდაცვის მინისტრმა, დავიდ ტონოიანმა თანამდებობა დატოვა.
ინფორმაციას ადგილობრივი მედია ავრცელებს.
მედიის ცნობით, ხელისუფლებას თავდაცვის მინისტრად ვაგარშაკ
ჰარუთიანიანის დანიშვნა სურს, რომელიც ახლა სომხეთის
პრემიერ-მინისტრის მრჩეველის პოსტს იკავებს.
"ჩვენი ინფორმაციით, ტონოიანს ამ თანამდებობაზე, სომხეთის
პრემიერ-მინისტრის მთავარი მრჩეველი ვაგარშაკ ჰარუთიანიანი შეცვლის,
რომელიც 1999-2000 წლებში თავდაცვის მინისტრი იყო", - ნათქვამია
სომხური მედიაში.
აღსანიშნავია, რომ ბოლო რამდენიმე დღის განმავლობაში, სომხეთის
მთავრობაში საკადრო ცვლილებები მიმდინარეობს. სომხეთის საგარეო
საქმეთა და საგანგებო სიტუაციების სამინისტროს ხელმძღვანელებმა -
ზოჰრაბ მნაცაკანიანმა და ფელიქს წოლაკიანმა თანამდებობა უკვე
დატოვეს.
შეგახსენებთ, სომხეთის პრემიერ-მინისტრმა, ნიკოლ ფაშინიანმა მთავრობის
შემადგენლობის 80%-ის შეცვლის შესახებ განცხადება გააკეთა.
წყარო: report.ge