საქართველოს მთავრობამ საზოგადოებას შეზღუდვების ნაწილის მოხსნის
გეგმა წარუდგინა. მთავრობის გეგმით, თებერვლიდან ეტაპობრივად
მოიხსნება გარკვეული შეზღუდვები, მათ შორის გაიხსნება სავაჭრო
ობიექტები და დაიწყებს მოძრაობას მუნიციპალური ტრანსპორტი.
თუმცა ვიცე-პრემიერის მაია ცქიტიშვილის თქმით, 1 მარტამდე ძალაში
დარჩება ღამის საათებში გადაადგილების შეზღუდვა.
„1 მარტამდე ძალაში დარჩება გადაადგილების შეზღუდვა 21:00 საათიდან
05:00 საათამდე“, – განაცხადა მაია ცქიტიშვილმა.