თბილისში, ახალ გზაზე, ჭაბუა ამირეჯიბის გზატკეცილზე მიწის მასა ჩამოიშალა. როგორც ინფრასტრუქტურის განვითარების საქალაქო სამსახურის უფროსი, გიორგი აბუთიძე ფორმულასთან აღნიშნავს, ჩამოშლილმა მასამ მანქანა დააზიანა.

"დაახლოებით, ერთი საათის წინ, ჭაბუა ამირეჯიბის გამზირზე ჩამოვარდა გარკვეული სიდიდის ქვა [...] რაღაც ნაწილის ჩამოშლა მოხდა სავალ ნაწილზე. ამჟამად მიმდინარეობს სამაშველო სამსახურის მიერ დაფუსთავების სამუშაოები და აღდგება მოძრაობა. შემაკავებელი სეტკა არის გაკრული რამდენიმე წლის წინ გაკეთებულია ეს ყველაფერი", — თქვა მან.

მისი განცხადებით, მიწის მასის ჩამოშლა უხვი ნალექის პერიოდში ხდება ხოლმე, თუმცა ეს იყო პირველი შემთხვევა, როცა გზის სავალ ნაწილზეც გადმოვიდა და მანქანა დააზიანა. On.ge თბილისის მერიასაც დაუკავშირდა. იქ გვითხრეს, რომ ადგილზე მოძრაობა უკვე აღდგა.