თბილისში, პუშკინის ქუჩაზე უძველესი, დაახლოებით მე-8 საუკუნის
არაბული წარწერა ვანდალურად შავად გადაღებეს. ინფორმაცია
თავდაპირველად კულტურის სპეციალისტმა ცირა ელისაშვილმა გაავრცელა,
კულტურული მემკვიდრეობის სააგენტო კი ადასტურებს.
"თბილისში სულ 3 ეპიგრაფიკული არაბულ წარწერიანი ძეგლია
ნაპოვნი... [ბოლო] 2012 წელს გამოვლინდა პუშკინის ქუჩაზე, ძველ
გალავანში ჩაშენებული ლოდის სახით, რომელზეც 6 სტრიქონიანი ამოკაწრული
არაბული წარწერაა დატანილი. პირველი 4 სტრიქონი არ იკითხება. ბოლო ორი
- ნაწილობრივ. წარწერა არაბული კალიგრაფიის ქუფურ სტილს განეკუთვნება.
ტექსტი გვამცნობს, რომ წარწერა შესრულებულია სალლამ იბნ ჰაბბანის ან
ჰაიანის მიერ ჰაჯის მეორე საუკუნეში, ანუ ჩვენი წელთაღრიცხვით მე-8 -
მე-9 საუკუნეების მიჯნაზე", - წერდა ცირა
ელისაშვილი.
კულტურული მემკვიდრეობის სააგენტოში ამბობენ, რომ სარესტავრაციო
სამუშაოები ორმა კომპანიამ უკვე დაიწყო.
წყარო: radiotavisupleba.ge