Pfizer-ის და AstraZeneca-ს ორი დოზა კოვიდ-19-ის დელტა ვარიანტის
წინააღმდეგ ისეთივე ეფექტიანია, როგორც ვირუსის წინა, ალფა ვარიანტის
შემთხვევაში.
ამის შესახებ „როიტერსი“ ბრიტანელ მეცნიერთა კვლევაზე დაყრდნობით
წერს.
თუმცა კვლევაში აღნიშნულია, რომ COVID-19 საწინააღმდეგო ვაქცინების
ერთი დოზის მიღება დელტა ვარიანტის წინააღმდეგ, რომელიც დღეს
მსოფლიოში სწრაფად ვრცელდება, ნაკლებეფექტიანია. შესაბამისად,
მეცნიერები მოქალაქეებს უფრო მაღალი უსაფრთხოებისთვის ორჯერად, ანუ
სრულ აცრას ურჩევენ.
New England Journal of Medicine-ში გამოქვეყნებული კვლევა ადასტურებს
მაისში გამოქვეყნებულ დასკვნებს Pfizer-BioNTech და
Oxford-AstraZeneca-ს ვაქცინების ეფექტიანობის შესახებ. დამატებით,
კვლევამ აჩვენა, რომ Pfizer–ის ორი დოზა 88%-ით ეფექტიანია დელტას
ვარიანტის სიმპტომური დაავადების თავიდან ასაცილებლად, ხოლო ალფა
ვარიანტისგან - 93,7%-ით იცავს. ამასობაში, AstraZeneca-ს ორი დოზა
დელტა ვარიანტის შემთხვევაში 67%-ით ეფექტიანია, ხოლო ალფას
შემთხვევაში - 74.5%-ით.