„არავითარი ქართული შტამი არ არის. ეს არის ჩვეულებრივი
„დელტა“, ანუ ინდური შტამი, „დელტა პლუსი“ ჰქვია“,
– ამის შესახებ დაავადებათა კონტროლის ეროვნული ცენტრის ხელმძღვანელმა
ამირან გამყრელიძემ საკოორდინაციო საბჭოს სხდომის შემდეგ განაცხადა იმ
გავრცელებულ ინფორმაციაზე, რომ თითქოს ისრაელში კორონავირუსის ქართული
შტამი დაფიქსირდა.
როგორც გამყრელიძე ამბობს, „დელტა პლუსი“ ერთ-ერთი ქვეშტამია
კლასიკური „დელტა შტამის“.
„მოგეხსენებათ, ეს ვირუსები ხშირ მუტაციას განიცდიან. ეს
არის „დელტა პლუსი“. ლაბორატორიულად ჩვენ გვაქვს დადასტურებული „დელტა
პლუსის“ 2 შემთხვევა. „დელტა პლუსი“ გაცილებით მეტი იქნება. რასაც
ჩვენ ლუგარში ვუყურებთ, ჩვენთან უკვე ცირკულაციაშია. მის
ექსტრაპოლაციას ვაკეთებთ. „ალფა“ ანუ ბრიტანული შტამი უკვე ჩაანაცვლა
„დელტამ“ (დაახლოებით 40-50%)“, – ამბობს
გამყრელიძე.