უხვი ნალექის გამო ქობულეთში მეწყერი ჩამოწვა. 159 ოჯახი
გარესამყაროსაა მოწყვეტილი. დაზიანებული სახლების გამო ალტერნატიულ
თავშესაფარში გადაყვანა 15 ოჯახს დასჭირდა.
გზები 43 მიმართულებით ნაწილობრივ ან მთლიანადაა ჩაკეტილი.
ჩამოწოლილმა მეწყერმა 2 ხიდიც დააზიანა.
წვიმის შედეგად დაბა ჩაქვში 3 ადგილი დაიტბორა, მათ შორისაა
სამედიცინო ცენტრის ეზოც.
უხვი ნალექის შედეგად ქობულეთში მეწყერი სულ 49 მიმართულებით
განვითარდა.