Gürcüstanın Təhsil və Elm Nazirliyinin Strateji planlaşdırma və
beynəlxalq əlaqələr departmanetinin rəhbəri Kaxa Xandolişvilinin
başçılıq etdiyi nümayəndə heyəti Azərbaycana səfər edib.
Bu barədə Gürcüstanın Azərbaycandakı səfirliyi məlumat yayıb.
Azərbaycanın təhsil nazirinin müavini Muxtar Məmmədov nümayəndə
heyəti ilə görüş keçirib. Tərəflər nazirliklər arasında əməkdaşlığa
dair bir sıra məsələləri müzakirə ediblər. Əsas diqqət Azərbaycan
və Gürcüstan arasında təhsil sahəsində imzalanacaq yeni sazişin
hazırlanması məsələsinə yönəldilib.
Görüşdə Azərbaycandakı gürcüdilli və Gürcüstandakı azərbaycandilli
məktəblərin dərsliklərlə fasiləsiz təchizatı və Azərbaycanın təhsil
naziri Emin Əmrullayevin Gürcüstana səfəri də müzakirə olunub.
Gürcüstanın Azərbaycandakı səfiri Zurab Pataradze də görüşdə
iştirak edib.
Mənbə: report.az