საქართველო და უკრაინა NATO-ს უახლოეს პარტნიორებს შორის არიან, მათი
პოლიტიკური და პრაქტიკული მხარდაჭერისთვის კვლავაც მზად ვართ,
– ამის შესახებ NATO-ს გენერალურმა მდივანმა, იენს სტოლტენბერგმა
განაცხადა ჩრდილოატლანტიკური საბჭოს სხდომის გახსნაზე, რომელშიც
საქართველო და უკრაინაც მონაწილეობენ.
"საქართველოსა და უკრაინის მონაწილეობით.
ჩრდილოატლანტიკური საბჭოს ამ სხდომაზე განსაკუთრებით მინისტრ
ზალკალიანსა და მინისტრ კულებას მივესალმებით", -
განაცხადა მან,
სტოლტენბერგის თქმით, ივნისის სამიტზე, რომელიც ბრიუსელში გაიმართა,
ალიანსის წევრი ქვეყნების ლიდერებმა საქართველოსა და უკრაინის
ტერიტორიული მთლიანობისა და სუვერენიტეტისადმი მტკიცე მხარდაჭერა
დაადასტურეს.
"საქართველო და უკრაინა NATO-ს უახლოეს პარტნიორებს შორის
არიან, რომლებსაც NATO-ს ოპერაციებსა და მისიებში წვლილი შეაქვთ და
ალიანსის წევრობისკენ ისწრაფვიან.
NATO ბუქარესტის სამიტზე მიღებულ გადაწყვეტილებას მხარს უჭერს და ჩვენ
საქართველოსა და უკრაინის პოლიტიკური და პრაქტიკული მხარდაჭერისთვის
კვლავაც მზად ვართ“, – განაცხადა მან.