არსებობს საფუძველი ვივარაუდოთ, რომ პაციენტებში,
რომლებიც კორონავირუსის ახალი შთამით, "ომიკრონით" არიან
ინფიცირებულები, COVID-19 უფრო მსუბუქი ფორმით მიმდინარეობს, - ამის
შესახებ ჯანდაცვის მსოფლიო ორგანიზაციის კორონავირუსთან ბრძოლის
ტექნიკური ჯგუფის ხელმძღვანელმა, მარია ვან კერკხოვემ განაცხადა.
მანამდე ჯანმო-ში განაცხადეს, რომ ახალ შტამით გარდაცვალების
შემთხვევა ჯერ არ გამოვლენილა.
"პირველადი მონაცემები მოწმობს, რომ "ომიკრონით" ინფიცირებული
ადამიანები დაავადებას უფრო ადვილატ იტანენ, მაგრამ ამაზე საუბარი
ნაადრევია“, - განაცხადა ვან კერკხოვემ CBS-ის ეთერში.
მისი განმარტებით, ეს, შესაძლოა, პაციენტები ინფიცირების ადრეული
სტადიებით იყოს გამოწვეული.
"შესაძლოა, რამდენიმე კვირა გავიდეს, სანამ ჩვენ ნამდვილად გავიგებთ,
ამ პირებიდან რამდენს განუვითარდება სერიოზული დაავადება“, - აღნიშნა
ექსპერტმა.
ამავდროულად, მან გააფრთხილა, რომ დაავადების მსუბუქი ფორმის
შემთხვევაშიც კი შესაძლებელია ჰოსპიტალიზაციის რაოდენობის ზრდა.
"მათ ინტენსიური თერაპიის განყოფილებაში მკურნალობა დასჭირდებათ და
ზოგიერთი მათგანი მოკვდება", - ვარაუდობს ჯანმო-ს წარმომადგენელი.
ვან კერკხოვე თვლის, რომ ჰოსპიტალიზაციის უფრო დიდმა რაოდენობამ,
შესაძლოა, სიკვდილიანობის ზრდა გამოიწვიოს.
"ჩვენ არ გვინდა, რომ ეს მსოფლიოში "დელტას" შტამის გავრცელებასთან
დაკავშირებული ისედაც რთული სიტუაციის ფონზე მოხდეს", - განაცხადა მან
და ინფექციის გავრცელების წინააღმდეგ ბრძოლის ღონისძიებების
მნიშვნელობას ხაზი გაუსვა.