საქართველოში როგორც იმპორტის, ისე ექსპორტის მაჩვენებელი გაიზარდა. სტატისტიკის ეროვნული სამსახურის მონაცემებით, 2021 წლის 10 თვეში ქვეყანამ 851,727 მლნ აშშ დოლარის საკვები პროდუქტი შეიძინა, 2020 წლის ანალოგიურ პერიოდში - 785,532 მლნ აშშ დოლარის.

რაც შეეხება ექსპორტს, მიმდინარე წლის იანვარ-ოქტომბერში 815,015 მლნ აშშ დოლარის პროდუქტი გაიტანა, გასული წლის ანალოგიურ პერიოდში - 655,465 მლნ აშშ დოლარის.

„ბიზნესპრესნიუსი“ დაინტერესდა იმ პროდუქტების ჩამონათვალით, რომელიც ყველაზე დიდი რაოდენობით იყიდა და გაყიდა საქართველომ.

2021 წლის იანვარ-ოქტომბერში ექსპორტირებული ტოპ-10 პროდუქტი:

• ყურძნის ნატურალური ღვინოები - 189, 105 მლნ აშშ დოლარი
• ეთილის სპირტი არადენატურირებული, სპირტის კონცენტრაციით 80%-ზე ნაკლები, სპირტიანი სასმელები - 121,986 მლნ აშშ დოლარი
• მინერალური და მტკნარი წყლები - 118,372 მლნ აშშ დოლარი
• თხილი და სხვა კაკალი - 90,030 მლნ აშშ დოლარი
• წყლები, მინერალურისა და დაგაზიანებულის ჩათვლით, შაქრის დანამატების შემცველობით - 51,406 მლნ აშშ დოლარი
• გარგარი, ალუბალი და ბალი, ატამი, ქლიავი და ღოღნოშო, ახალი - 31,961 მლნ აშშ დოლარი
• ცხვრები და თხები ცოცხალი - 25,541 მლნ აშშ დოლარი
• მსხვილფეხა რქოსანი პირუტყვი, ცოცხალი - 23,155 მლნ აშშ დოლარი
• კარტოფილი, ახალი ან შეყინული - 13,882 მლნ აშშ დოლარი
• ცხიმები, ქონები და მათი ფრაქციები, თევზის ან ზღვის ძუძუმწოვრების - 11,128 მლნ აშშ დოლარი

მიმდინარე წლის 10 თვეში საქართველოში იმპორტირებული ტოპ-10 პროდუქტი:

• ხორბალი და მესლინი - 78,647 მლნ აშშ დოლარი
• შაქარი - 54,349 მლნ აშშ დოლარი
• ხორცი და კვების სუბპროდუქტები შინაური ფრინველის, ახალი, გაცივებული ან გაყინული - 49,408 მლნ აშშ დოლარი
• ზეთი მზესუმზირისა, ალისარჩულისა ან ბამბისა და მათი ფრაქციები - 40,579 მლნ აშშ დოლარი
• შოკოლადი და კაკაოს შემცველი კვების სხვა მზა პროდუქტები - 39,409 მლნ აშშ დოლარი
• პური, ფქვილოვანი საკონდიტრო ნაწარმი, შაქარლამა, ნამცხვარი და სხვა პურფუნთუშეული - 37,124 მლნ აშშ დოლარი
• ეთილის სპირტი არადენატურირებული, სპირტის კონცენტრაციით 80%-ზე ნაკლები, სპირტიანი სასმელები - 29,383 მლნ აშშ დოლარი
• ხორცი ღორის ახალი, გაცივებული ან გაყინული - 27,683 მლნ აშშ დოლარი
• მარგარინი - 24,491 მლნ აშშ დოლარი
• ნაღების კარაქი და რძის სხვა ცხიმები; რძის პასტები - 21,033 მლნ აშშ დოლარი