2022 წლის ივნისში წინა თვესთან შედარებით ინფლაციის დონემ
საქართველოში 0.2 პროცენტი, ხოლო წლიური ინფლაციის დონემ 12.8
პროცენტი შეადგინა. ამის შესახებ მონაცემებს სტატისტიკის ეროვნული
სამსახური ავრცელებს.
რაც შეეხება საბაზო ინფლაციას, აღნიშნულმა მაჩვენებელმა 2022 წლის
ივნისში, გასული წლის შესაბამის პერიოდთან შედარებით 5.8 პროცენტი
შეადგინა.
,,ბიზნესპრესნიუსი“ საქსტატის მონაცემებზე დაყრდნობით გთავაზობთ
საკვები პროდუქტის ჩამონათვალს, რომელიც მიმდინარე წლის ივნისში
გასული წლის ანალოგიურ პერიოდთან შედარებით გაიაფდა:
- სტაფილო - 9.6%-ით
- ლიმონი - 8.1%-ით
- ბანანი - 3.2%ით
- ნიორი - 1.4%-ით
- წიწაკა - 0.7%-ით
- მსხალი -0.9%-ით