ფინანსთა სამინისტრომ 2022 წლის 9 თვის ბიუჯეტის შესრულების ანგარიში
გამოაქვეყნა.
დოკუმენტის თანახმად, წელს მთავრობამ უკვე 10.3 მილიარდი ლარის
გადასახადები აკრიფა, რაც გეგმით გათვალისწინებულის 104% იყო.
კონკრეტული გადასახადების მიხედვით, ყველაზე მეტი თანხა ბიუჯეტში 4.4
მილიარდი ლარი დღგ-დან შევიდა. უფრო დეტალურად ბიუჯეტის შესრულების
სტატისტიკა ასე ნაწილდება:
• საშემოსავლო გადასახადი - 3.44 მილიარდი ლარი, 9 თვის
გეგმის 107%;
• მოგების გადასახადი - 1.56 მილიარდი ლარი, 9 თვის გეგმის 120%;
• დღგ - 4.37 მილიარდი ლარი, 9 თვის გეგმის 112%;
• აქციზის გადასახადი - 1.4 მილიარდი ლარი, 9 თვის გეგმის 107%;
• იმპორტის გადასახადი - 87 მილიონი ლარი, 9 თვის გეგმის
147%.
ბიუჯეტის შესრულების ანგარიშიდან ასევე ირკვევა, რომ სახელმწიფო
ბიუჯეტში პრივატიზაციიდან (არაფინანსური აქტივების კლებიდან) 157
მილიონი ლარი შევიდა, რაც გეგმის 80%-ს შეადგენდა. შესაბამისად,
გადასახადებისგან განსხვავებით, პრივატიზაციის შესრულება გეგმას
ჩამორჩება.