თბილისში ბინების გაყიდვები შემცირდა, ფასები კი გაიზარდა - „ქოლიერსის“ აგვისტოს მონაცემები
2023 წლის აგვისტოში თბილისში საცხოვრებელი ბინების ტრანზაქციების რაოდენობამ 3 420 ერთეული შეადგინა და წინა წლის აგვისტოსთან შედარებით 10%-ით შემცირდა. ბაზრის ზომა 8%-ით, 187 მილიონ აშშ დოლარამდეა შემცირებული. ამის შესახებ „ქოლიერსის“ კვლევაშია აღნიშნული.

მათივე ცნობით, 2023 წლის აგვისტოში ახალ პროექტებში ტრანზაქციების 6%-იანი კლება ფიქსირდება. ძველ პროექტებში კი 2022 წლის აგვისტოსთან შედარებით მაჩვენებელი 18%-ით შემცირდა.

„2023 წლის აგვისტოში
თბილისში ახალაშენებულ ეკონომ სეგმენტის ბინებზე მოთხოვნა 9%-ით შემცირდა, მედიუმ სეგმენტში კი მაჩვენებლის მხოლოდ 1%-იანი კლება დაფიქსირდა. რაც შეეხება პრემიუმ სეგმენტს, ტრანზაქციების რაოდენობა არ შეცვლილა.

2023 წლის აგვისტოში თბილისში ახალაშენებული ბინების საშუალო შეწონილი გასაყიდი ფასი 8%-ით გაიზარდა გარეუბნებში, ფართო ცენტრსა და ქალაქის ცენტრში კი 3%-იანი კლება დაფიქსირდა.

2023 წლის აგვისტოში თბილისში ძველი ბინების საშუალო შეწონილი გასაყიდი ფასი უმნიშვნელოდ გაიზარდა როგორც გარეუბნებში, ასევე ქალაქის ცენტრალურ უბნებში,“
- აღნიშნულია კვლევაში.

წყარო: BPN
Print ელ. ფოსტა
FaceBook Twitter Google
მსგავსი სიახლეები