ეროვნული ბანკის მიერ 48.7 მილიონი დოლარის რეზერვის გაყიდვის მიუხედავად, ლარი თითქმის ყველა უცხოურ ვალუტასთან, მათ შორის ევროსთან და დოლართან მიმართებით გაუფასურდა.

29 მაისის ოფიციალური გაცვლითი კურსით, ეროვნული ვალუტა დოლართან 1,67 თეთრით გაუფასურდა, ევროსთან — 2.37 თეთრით.

დღევანდელი ვაჭრობის შედეგად, დოლარის ღირებულება 2.7847 ლარი გახდა, ევროსი კი — 3.0295 ლარი.

დღეს საქართველოს ეროვნულმა ბანკმა სავალუტო აუქციონზე გასაყიდად 60 მილიონი აშშ დოლარი გამოიტანა, საიდანაც 48 700 000 აშშ დოლარი გაიყიდა.

საშუალო შეწონილმა გაცვლითმა კურსმა 2.7829 შეადგინა.

სანამ ეროვნული ბანკი რეზერვს გაყიდდა, ლარი უცხოურ ვალუტასთან მიმართებაში უფრო მკვეთრად უფასურდებოდა.

---

„ქართული ოცნება“ კიდე ერთხელ აპირებს რუსული კანონის მიღებას, რომელიც 2023 წლის მარტში მასობრივი პროტესტის შედეგად უკან გაიწვიეს. „ქართულმა ოცნებამ“ გასულ წელს დადო პირობა, რომ რუსულ კანონს აღარ დაუბრუნდებოდნენ, მაგრამ პირობა დაარღვია. ქართულმა ოცნებამ კანონპროექტის პირვანდელი ფორმულირებიდან მხოლოდ სიტყვა "აგენტი" ამოიღო და ის უცხოური ძალის ინტერესების გამტარებლით შეცვალა.
კანონის მიხედვით, ყველა არასამთავრობო და მედიაორგანიზაცია, რომლის შემოსავლების 20%-ზე მეტი უცხოეთიდან არის მიღებული უცხოური ძალია ინტერესების გამტარებლად ჩაითვლება. სახელმწიფო არ გამოიკვლევს თუ რას საქმიანობენ და რა მიზნებს ემსახურებიან ეს ორგანიზაციები და მათ ყველას უცხოური ძალის ინტერესის გამტარებლად შერაცხავს.
კანონი მიმართულია ევროპასა და ამერიკისაგან შემოსულ დაფინანსებებზე და არა მტრულად განწყობილი ქვეყნებიდან შემოსულ დაფინანსებებზე, როგორც ეს ცივილიზებულ ქვეყნებშია.
კანონის ინიცირების გამო შეშფოთება გამოთქვეს ევროკავშირის წევრმა და საქართველოს მეგობარი ქვეყნების ლიდერებმა, რუსეთის პრეზიდენტის პრესმდივანმა კი „ქართული ოცნების“ კანონი მოიწონა.