გარემოსდაცვითი ზედამხედველობის დეპარტამენტის ცნობით, 2023 წლის 4 სექტემბრიდან 2024 წლის 3 სექტემბრის ჩათვლით ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობისთვის 7 193 ფიზიკური და იურიდიული პირი დაჯარიმდა - მონაცემები ოთხი დიდი ქალაქის, თბილისის, რუსთავის, ქუთაისისა და ბათუმის, სტატისტიკას ასახავს.

"ყველაზე მეტი - 3 453 დარღვევა დაფიქსირდა თბილისში, 1 403 - ქუთაისში, 1 233 - ბათუმში, 1 104

- ქალაქ რუსთავში.

დაჯარიმებული 7 193 სამართალდამრღვევიდან, 6 267 ფიზიკური პირია, ხოლო 926 - იურიდიული პირი.

4463 საჯარიმო ქვითარი მსუბუქი ავტომობილების მძღოლების მიმართ არის შედგენილი, 2434 - მიკროავტუბისის, 287 - სატვირთო ავტომობილის, 9 - ავტობუსის". - წერია გარემოსდაცვითი ზედამხედველობის დეპარტამენტის განცხადებაში.

ავტოსატრანსპორტო საშუალებების გამონაბოლქვის კანონმდებლობით დადგენილ ნორმასთან შეუსაბამობისთვის, ფიზიკური პირის შემთხვევაში, ჯარიმის ოდენობა პირველ ჯერზე 100 ლარია, მეორე ჯერზე - 300 ლარი, მესამე ჯერზე - 600 ლარი. იურიდიული პირის შემთხვევაში კი, ჯარიმა 500, 1500 და 3000 ლარია. ჯარიმის 10 დღის ვადაში გადახდის შემთხვევაში, სამართალდამრღვევს ჯარიმის ოდენობა 20%-ით შეუმცირდება.