„კოალიციამ ცვლილებებისთვის“, რომელიც „ახალს“, „დროას“ და „გირჩი – მეტი თავისუფლებისთვის“ აერთიანებს, რუსთავში პირველი ყრილობა გამართა.

მხარდამჭერებს კოალიციის ლიდერებმა – ნიკა გვარამიამ, ელენე ხოშტარიამ, ნიკა მელიამ და ზურაბ ჯაფარიძემ – მიმართეს. მათ ისაუბრეს არჩევნებში „ქართული ოცნების“ დამარცხების საჭიროებაზე და სხვა საკითხებზე. ნიკა მელიამ აღნიშნა, რომ კოალიცია ერთპარტიულ მმართველობას არ დაუშვებს.

გარდა ამისა, ყრილობაზე კოალიციამ კიდევ ერთხელ წარადგინა საპარლამენტო სიის პირველი ოცეული.