“რატომ აყენებს “ქართული ოცნება” ამერიკასთან პარტნიორობას რისკის ქვეშ 1,8%-ის გამო”, – ასე გამოეხმაურა აშშ-ის საელჩო არასამთავრობო ორგანიზაცია ISFED-ის წინააღმდეგ “ქართული ოცნების” განცხადებებს და კონსპირაციებს, რომლის მიხედვითაც პარალელური ხმის დათვლის [PVT] “გაყალბებული” შედეგებით აშშ საქართველოში რევოლუციის მოწყობას ცდილობდა.

“ოცნების” წევრები ხშირად აღნიშნავენ, რომ 2020 წლის არჩევნებში “სამართლიანმა არჩევნებმა” (ISFED) პარალელური ხმის დათვლის [PVT] შედეგები გააყალბა, რისი მიზანიც “სახელმწიფო გადატრიალება” იყო. “სამართლიან არჩევნებს” USAID აფინანსებდა.

როგორც ამერიკის საელჩოს პოსტშია აღნიშნული, ISFED-ის მონაცემებით 2020 წლის არჩევნებში ქართული ოცნების გამარჯვება თავიდანვე დადასტურდა. ჩასწორების შემდეგ კი ცვლილება მხოლოდ 1.8 პროცენტს შეადგენდა.