Gürcüstanın kommersiya banklarında 4 milyarddan çox rus rublu saxlanılır — bu barədə Gürcüstan Milli Bankının statistikası göstərir. 2025-ci ilin mart ayına olan məlumata görə, rubl ilə yerləşdirilmiş depozitlərin həcmi 121.021 milyon lari təşkil edib. Bu, əvvəlki ayla müqayisədə təxminən 138%, ötən ilin eyni dövrü ilə müqayisədə isə 102% artım deməkdir.

Milli Bankın statistikasına görə, 2025-ci ilin fevralında rus rublunda yerləşdirilmiş depozitlərin həcmi 50.903 milyon lari olub, bir il əvvəl, 2024-cü ilin martında isə rubl depozitlərinin həcmi 59.655 milyon lari idi.

Ümumi göstəricilərə gəlincə, Milli Bankın məlumatına əsasən, 2025-ci ilin mart ayının sonunda bank sektorunda (banklararası depozitlər istisna olmaqla) yerləşdirilmiş depozitlərin ümumi həcmi 58.47 milyard lari təşkil edib ki, bu da əvvəlki ayın sonu ilə müqayisədə 467.90 milyon lari və ya 0.81% artım deməkdir (mübadilə kursu effektini nəzərə almadan artım 1.46%-dir). Depozitlərin illik artımı, mübadilə kursu effektindən təmizlənmiş şəkildə, 11.27% təşkil edib.

Mart ayında, əvvəlki ayla müqayisədə, müddətli depozitlər 67.78 milyon lari və ya 0.25% artıb (mübadilə kursu effektini nəzərə almadan artım 0.93%), tələbat depozitləri isə 400.11 milyon lari və ya 1.29% artıb (mübadilə kursu effektini nəzərə almadan artım 1.92%).
2025-ci ilin mart ayının sonunda depozitlərin lariləşmə (milliləşmə) əmsalı 47.23% təşkil edib. Əvvəlki ayın sonu ilə müqayisədə lariləşmə 0.35 faiz bəndi artıb (mübadilə kursu effektini nəzərə almadan artım 0.04 faiz bəndidir).

Mart ayında müddətli depozitlər üzrə orta illik çəkilmiş bazar faiz dərəcəsi 6.84% təşkil edib. Bunlardan milli valyutada yerləşdirilən depozitlər üzrə faiz 9.84%, xarici valyutada yerləşdirilən depozitlər üzrə isə 2.56% olub. Xarici valyutada yerləşdirilmiş depozitlərdə ABŞ dollarının payı 79.65%, avronun payı isə 18.91% təşkil edib.

Rubla gəlincə, 2025-ci ilin mart ayı üzrə rublun ümumi depozitlərdə payı 0.21% olub. 2025-ci ilin fevralında bu göstərici 0.09%, ötən ilin martında isə 0.12% təşkil etmişdi.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---