საქართველოს წარმომადგენელი მარიამ შენგელია ევროვიზიის სიმღერის კონკურსის ფინალში ვერ გავიდა - ის შვეიცარიაში მიმდინარე კონკურსს პირველივე ეტაპზე, ნახევარფინალში გამოეთიშა.

მარიამ შენგელია, - რომლის გამოსვლისას ანსამბლ „ერისიონის“ ოთხმა წევრმა „ხორუმი“ თეთრი დროშებით შეასრულა, - გამოვიდა ქართულ-ინგლისური სიმღერით, Freedom.

კონკურსში 37 ქვეყანა მონაწილეობს.

13 მაისს გაიმართა პირველი ნახევარფინალი, 15 მაისს კი - მეორე ნახევარფინალი.

კონკურსის წესების თანახმად, ფინალში გადასვლას წყვეტს მაყურებელი და არა ჟიური.

ფინალში გადავიდნენ:

• შვეიცარია - მასპინძელი ქვეყანა;
• „დიდი ხუთეული“ - საფრანგეთი, გერმანია, იტალია, ესპანეთი და გაერთიანებული სამეფო;

პირველი ნახევარფინალიდან:

• ალბანეთი;
• ესტონეთი;
• ისლანდია;
• ნიდერლანდი;
• ნორვეგია;
• პოლონეთი;
• პორტუგალია;
• სან-მარინო;
• შვედეთი;
• უკრაინა.

მეორე ნახევარფინალიდან:

• ლიეტუვა;
• ისრაელი;
• სომხეთი;
• დანია;
• ავსტრია;
• ლუქსემბურგი;
• ფინეთი;
• საბერძნეთი;
• მალტა;
• ავსტრალია.

კონკურსზე საქართველოს მიერ წარმოდგენილი სიმღერის კომპოზიტორია ქეთი გაბისიანი, ხოლო ტექსტი ბუკა კარტოზიას ეკუთვნის.