მარნეულის მერია გარემოვაჭრეებისთვის ალტერნატიული ფართის მოძიებაზე მუშაობს. ამის შესახებ ინფორმაცია მარნეულის მერიის ოფიციალურ ვებგვერდზე ვრცელდება.
მარნეული-სადახლოს ავტომაგისტრალის გარემოვაჭრეებთან მორიგი სამუშაო შეხვედრა მარნეულის მერს, მოაადგილეებთან ერთად რამდენიმე დღის წინ ქონდათ. როგორც თემურ აბაზოვმა რადიო „მარნეულთან“ საუბრისას თქვა, მერია ალტერინატიული ფართის მოძიებაზე მუშაობს.
„მათთან საუბრის შემდგომ ჩვენ მოვიძიეთ რამდენიმე ვარიანტი, რომელსაც ზემდგომ ორგანოს შევთავაზებთ. თუ კი ისინი მიიღებენ გადაწყვეტილებას, რომ სადმე შესაძლებელია, კანონის ფარგლებში, რამის დადგმა შესაბამისად ეს იქნბა იდეალური ვარიანტი და თუ იქნება ამის საშვალება ჩვენ ამას აუცილებლად განვახორციელებთ.“ - თემურ აბაზოვი
თემურ ააზოვმა ასევე თქვა, რომ თუ მოძიებული იქნა ალტერნატიული ფართი, შესაბამისი ინფრასტრუქტურის მოწყობამდე გარემოვაჭრეები არ დაჯარიმდებიან. სხვა შემთხვევაში კი ისინი მიცემული ვადის ამოწურვის შემდგომ, დატოვებენ აღნიშნულ ტერიტორიას. ვადა მათ თვის ბოლომდე აქვთ.
შეგახსენებთ, რომ მარნეულში გარე ვაჭრობის აკრძალვის შესახებ განცხადება თემურ აბაზოვის ოფიციალურ ვებგვერდზე 9 მარტს ვიდეოს მეშვეობით გავრცელადა. მერმა უკანონო გარევაჭრობის აკრძალვა მნიშვნელოვნად ჩათვალა და თქვა, რომ ყოველივე ეს ერთმხრივ საფრთხის შემცველია, ხოლო მეორე მხრივ მარნეულის იერსახეს ამახინჯებს. ამავე თემის განხილვა კი 12 მარტს მარნეულის მერიაში ხმაურის ფონზე მიმდინარეობდა. შეხვედრაზე უკმაყოფილო გარემოვაჭრეები და ევროპული საქართველოს წევრი ახმედ იმამკულიევიც იყო . აბაზოვი გარემოვაჭრეებისთვის მიცემულ ერთთვიან ვადას საკმარისად მიიჩნევდა, ხოლო იმამკულიევი საპირისპიროს ამტკიცებდა და მოვაჭრეებისთვის მეტი დროის მიცემას ითხოვდა, თუმცა აბაზოვს გადაწყვეტილება არ შეუცვლია.
რადიო „მარნეული“