გაქურდული სკოლის დირექტორს პატრულის გამოძახება ადრეც უწევდა - უსაფრთხოებაზე სკოლამ თავად უნდა იზრუნოს
მარნეულის N1 საჯარო სკოლა, რომელიც რამდენიმე დღეა გაქურდეს უკვე მესამე წელია სამშენებლო სამუშაოების გამო N8 საჯარო სკოლა იფარებს. მართალია, ქურდობის შემთხვევა მერვე სკოლის ტერიტორიაზე მოხდა, თუმცა პირველი სკოლის კუთვნილი ტექნიკა წაიღეს. N1 საჯარო სკოლის დირექტორი, ქეთევან მერაბიშვილი თავს უსაფრთხოდ არც მანამდე გრძნობდა.
საპატრულოო პოლიციის გამოძახებაც არაერთხელ დასჭირვებია. უცხო პირები მათ ტერიტორიაზე საკმაოდ ხშირად შედიან. სკოლა შემოსაზღვრული არ არის და შიდა ტერიტორიაზე შესვლა ნებისმიერ პირს შეუძლია. მერაბიშვილი მანდატურების დანიშვნას ითხოვს. მან განათლების სამინისტროს მანდატურების მოთხოვნით 2017 წელს მიმართა, თუმცა დღემდე საკუთარი ძალებით უწევს უსაფრთხოების დაცვა.
არც N8 საჯარო სკოლის დირექტორს ელმარ ჯაფარლს ჰყავს მანდატურები, სადაც 400-მდე მოსწავლე სწავლობს. ამბობს, რომ ვიდრე სკოლაში მანდატურები ეყოლება, ვიდეო თვალის დამონტაჟებას შეეცდება.
როგორც საქართველოს მანდატურის სამსახურის ადმინისტრაციაში განმარტავენ, მარნეულის N1 საჯარო სკოლა მცირეკონტიგენტიან სკოლებში შედის და ამ ეტაპზე მანდატურების დანიშვნა არ იგეგმება. პრიორიტეტი ჯერ-ჯერობით 400, ან მეტ მოსწავლიან სკოლებს ენიჭება.
როგორც მანდატურის სამსახურის ადმინისტრაციული სამმართველოს უფროსი, შორენა ზედგინიძე ამბობს, ვიდრე საქართველოს ყველა სკოლა ისარგებლებს მანდატურის სამსახურით, საქართველოს განათლების, მეცნიერების, კულტურის და სპორტის სამინისტროს აქვს შემუშავებული პროგრამა, რომელიც უსაფრთხოებაზე პასუხისმგებელ პირთა გადამზადებას გულისხმობს. სკოლის დირექტორებს შეუძლიათ ისარგებლონ ამ პროექტით და თითო წარმომადგენელი გადაამზადონ.
მარნეულში სულ 74 სკოლაა, მანდატურის სამსახურის მომსახურებით კი მხოლოდ 4 სარგებლობს, რომლებიც უშუალოდ ქალაში მდებარეობს.
რადიო "მარნეული"
მსგავსი სიახლეები
ჩვენ შესახებ
ორგანიზაციის ძირითადი მიზანია მარნეულის მუნიციპალიტეტში მედია პლათპორმის მეშვეობით მისცეს მოსახლეობას (თემს) საშუალება ისარგებლოს უფლებით იყოს ინფორმირებული და გააძლიეროს სამოქალაქო სექტორი და მისცეს საშუალება თემს იყოს აქტიურად ჩართული გადაწყვეტილების მიღების პროცესებში.
საკონტაქტო ინფორმაცია
mobile: +995 557 99 44 15
ელ. ფოსტა: marneulifm@gmail.com
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
