მარნეულის სკოლები სხვადასხვა საგნის მასწავლებლის გარეშე
სოფელ შაუმიანის N1 საჯარო სკოლაში, მიმდინარე
სასწავლო წელს, ქიმიის გაკვეთილი ჯერ არცერთხელ
ჩატარებულა.
სკოლაში, სადაც 251 ბავშვი სწავლობს, ქიმიის მასწავლებელი არ ჰყავთ. საგანს ოთხი კლასის მოსწავლეები ვერ გადიან, მათ შორის მეთერთმეტე კლასელები. ქიმიის სწავლას ისინი წელს უნდა ამთავრებდნენ. საგნის მასწავლებელმა სამსახური საქართველოს მთავრობის მიერ პენსიონერი პედაგოგებისათვის წარდგენილი შეთავაზების შემდეგ დატოვა. ასე მოიქცა შაუმიანის N1 სკოლის კიდევ ექვსი მასწავლებელი.
სასწავლო წლის დაწყებამდე სკოლას შვიდ ვაკანტურ პოზიციაზე ჰქონდა კონკურსი გამოცხადებული.
"ექვსი ადგილი შეივსო, მასწავლებლები ავიყვანეთ, მაგრამ ქიმიის მასწავლებელი ვერ ვიპოვეთ. ახლოს მდებარე სკოლებშიც არ არის თავისუფალი კადრები. არ ვაპირებ, ვინმეს მხოლოდ იმიტომ მივცე საათები, რომ ხელფასი აიღოს და ბავშვებს არაფერი ასწავლოს. არ ვიცი, როგორ იქნება საქმე, სამინისტროს შევატყობინე უკვე ეს ამბავი და გვითხრეს, იანვრმდე მოიცადეთ, იქნებ ვინმემ აიღოს მასწავლებლის სერტიფიკატი და მოვიდესო", - გვითხრა სკოლის დირექტორმა, არტუშ ურუმიანმა.
დირექტორმა არ იცის რამდენ ხანს გაუგრძელდება სკოლას მასწავლებილის ძიების პროცესი და რამდენ ხანს არ ჩატარდება ქიმიის გაკვეთილი. არტუშ ურუმიანს უხარია, რომ ახლადაყვანილი ექვსი მასწავლებელი იმავე სკოლის კურსდამთავრებულია და რაც მთავარია ყველამ იცის ქართული.
მარნეულის სკოლებში, სადაც მასწავლებლები ვერ მოძებნეს, საგნები სხვა პედაგოგებს გადაუნაწილეს, რის გამოც მათ ზეგანაკვეთური სამუშაოს შესრულება უწევთ.
მარნეულის რესურსცენტრის ხელმძღვანელმა ქენან ომაროვმა გვითხრა, რომ მუნიციპალიტეტის მასშტაბით სკოლა 261-მა პენსიონერმა დატოვა. საერთო ჯამში 29 სკოლას 110 მასწავლებლის ვაკანტურ პოზიციაზე ჰქონდა კონკურსი გამოცხადებული.
"ეროვნული სასწავლო გეგმით შეიძლება ქიმიის, ფიზიკის და ასეთი საგნის გაკვეთილები ჩატარდეს მეორე სემესტრში. ანუ, თუ ისე მოხდა, რომ სკოლამ ქიმიის მასწავლებელი ვერ აიყვანა, მაშინ ერთი სემესტრის განმავლობაში ქიმიის გაკვეთილი არ ჩატარდება, სამაგიეროდ ეს გაკვეთილები მომავალ სემესტრში ანაზღაურდება. არცერთი საათი არ დაიკარგება", - ამბობს ქენან ომაროვი
რესურსცენტრის ხელმძღვანელმა აღნიშნა, რომ უმასწავლებლოდ დარჩენილი სკოლების რაოდენობა ბევრი არაა. უახლოეს დღეებში მასწავლებლის ყველა ვაკანტურ პოზიციაზე კონკურსი ხელახლა გამოცხადდება.
რადიო "მარნეული" ამ დრომდე ცდილობდა გაერკვია, რა გამოსავალს ხედავს განათლების, მეცნიერების, კულტურისა და სპორტის სამინისტრო შექმნილ ვითარებაში, თუმცა, პასუხი ვერ მივიღეთ.
რადიო "მარნეული"
სკოლაში, სადაც 251 ბავშვი სწავლობს, ქიმიის მასწავლებელი არ ჰყავთ. საგანს ოთხი კლასის მოსწავლეები ვერ გადიან, მათ შორის მეთერთმეტე კლასელები. ქიმიის სწავლას ისინი წელს უნდა ამთავრებდნენ. საგნის მასწავლებელმა სამსახური საქართველოს მთავრობის მიერ პენსიონერი პედაგოგებისათვის წარდგენილი შეთავაზების შემდეგ დატოვა. ასე მოიქცა შაუმიანის N1 სკოლის კიდევ ექვსი მასწავლებელი.
სასწავლო წლის დაწყებამდე სკოლას შვიდ ვაკანტურ პოზიციაზე ჰქონდა კონკურსი გამოცხადებული.
"ექვსი ადგილი შეივსო, მასწავლებლები ავიყვანეთ, მაგრამ ქიმიის მასწავლებელი ვერ ვიპოვეთ. ახლოს მდებარე სკოლებშიც არ არის თავისუფალი კადრები. არ ვაპირებ, ვინმეს მხოლოდ იმიტომ მივცე საათები, რომ ხელფასი აიღოს და ბავშვებს არაფერი ასწავლოს. არ ვიცი, როგორ იქნება საქმე, სამინისტროს შევატყობინე უკვე ეს ამბავი და გვითხრეს, იანვრმდე მოიცადეთ, იქნებ ვინმემ აიღოს მასწავლებლის სერტიფიკატი და მოვიდესო", - გვითხრა სკოლის დირექტორმა, არტუშ ურუმიანმა.
დირექტორმა არ იცის რამდენ ხანს გაუგრძელდება სკოლას მასწავლებილის ძიების პროცესი და რამდენ ხანს არ ჩატარდება ქიმიის გაკვეთილი. არტუშ ურუმიანს უხარია, რომ ახლადაყვანილი ექვსი მასწავლებელი იმავე სკოლის კურსდამთავრებულია და რაც მთავარია ყველამ იცის ქართული.
მარნეულის სკოლებში, სადაც მასწავლებლები ვერ მოძებნეს, საგნები სხვა პედაგოგებს გადაუნაწილეს, რის გამოც მათ ზეგანაკვეთური სამუშაოს შესრულება უწევთ.
მარნეულის რესურსცენტრის ხელმძღვანელმა ქენან ომაროვმა გვითხრა, რომ მუნიციპალიტეტის მასშტაბით სკოლა 261-მა პენსიონერმა დატოვა. საერთო ჯამში 29 სკოლას 110 მასწავლებლის ვაკანტურ პოზიციაზე ჰქონდა კონკურსი გამოცხადებული.
"ეროვნული სასწავლო გეგმით შეიძლება ქიმიის, ფიზიკის და ასეთი საგნის გაკვეთილები ჩატარდეს მეორე სემესტრში. ანუ, თუ ისე მოხდა, რომ სკოლამ ქიმიის მასწავლებელი ვერ აიყვანა, მაშინ ერთი სემესტრის განმავლობაში ქიმიის გაკვეთილი არ ჩატარდება, სამაგიეროდ ეს გაკვეთილები მომავალ სემესტრში ანაზღაურდება. არცერთი საათი არ დაიკარგება", - ამბობს ქენან ომაროვი
რესურსცენტრის ხელმძღვანელმა აღნიშნა, რომ უმასწავლებლოდ დარჩენილი სკოლების რაოდენობა ბევრი არაა. უახლოეს დღეებში მასწავლებლის ყველა ვაკანტურ პოზიციაზე კონკურსი ხელახლა გამოცხადდება.
რადიო "მარნეული" ამ დრომდე ცდილობდა გაერკვია, რა გამოსავალს ხედავს განათლების, მეცნიერების, კულტურისა და სპორტის სამინისტრო შექმნილ ვითარებაში, თუმცა, პასუხი ვერ მივიღეთ.
რადიო "მარნეული"
მსგავსი სიახლეები
ახალი ამბები
ჩვენ შესახებ
ორგანიზაციის ძირითადი მიზანია მარნეულის მუნიციპალიტეტში მედია პლათპორმის მეშვეობით მისცეს მოსახლეობას (თემს) საშუალება ისარგებლოს უფლებით იყოს ინფორმირებული და გააძლიეროს სამოქალაქო სექტორი და მისცეს საშუალება თემს იყოს აქტიურად ჩართული გადაწყვეტილების მიღების პროცესებში.
საკონტაქტო ინფორმაცია
mobile: +995 557 99 44 15
ელ. ფოსტა: marneulifm@gmail.com
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
