სსიპ „საგანმანათლებლო დაწესებულების მანდატურის სამსახურმა“
ფსიქო-სოციალური მომსახურების ცენტრის (სამმართველო) სოციალურ მუშაკთა
შესარჩევი კონკურსი გამოაცხადა.
უწყების ცნობით, ორი ვაკასიაა მარნეულის მუნიციპალიტეტშიც. აღნიშნულ
პოზიციაზე ანაზღაურება 1 200 ლარის ოდენობითაა განსაზღვრული.
როგორც რადიო „მარნეულს“ მანდატურის სამსახურში განუცხადეს,
მარნეულითვის შერჩეული კანდიდატები რუსთვის ფსიქო-სოციალური
მომსახურების ცენტრში დასაქმდებიან და მარნეულის სკოლებთან
იმუშავებენ.
სოციალურ მუშაკთა ძირითადი ფუნქციები იქნება:
- სოციალური მომსახურების გაწევა საგანმანათლებლო
დაწესებულების მოსწავლეებისა და მათი მშობლების/კანონიერი
წარმომადგენლებისათვის;
- საგანმანათლებლო დაწესებულების ქცევითი და ემოციური
პრობლემების მქონე მოსწავლეებთან, მათ მშობლებთან/კანონიერ
წარმომადგენლებთან, საგანმანათლებლო დაწესებულების ადმინისტრაციასთან
და მასწავლებლებთან სამსახურის მიერ შემუშავებული და დანერგილი
სოციალური მომსახურების მიწოდება და სოციალური ინტეგრაციის
მხარდამჭერი პროექტების განხორციელება;
- საგანმანათლებლო დაწესებულების მანდატურებისათვის,
საგანმანათლებლო დაწესებულების ადმინისტრაციის წარმომადგენლებისათვის,
პედაგოგებისათვის, საგანმანათლებლო დაწესებულების მოსწავლეებისათვის,
მათი მშობლების/კანონიერი წარმომადგენლებისათვის საგანმანათლებლო
ტრენინგებისა და საინფორმაციო და საგანმანათლებლო ხასიათის
შეხვედრების ჩატარება;
- ვიზიტების განხორციელება სკოლებსა და ოჯახებში, ასევე
საკუთარი უფლებამოსილების ფარგლებში საგანმანათლებლო დაწესებულების
მოსწავლეების, მათი მშობლების/კანონიერი წარმომადგენლების,
საგანმანათლებლო დაწესებულების ადმინისტრაციის წარმომადგენლების,
პედაგოგების ინფორმირებასა და სოციალურ კონსულტირება;
- კრიზისულ საკითხებზე მუშაობა;
- შეზღუდული შესაძლებლობების მქონე და სპეციალური
საგანმანათლებლო საჭიროების მქონე მოსწავლეთა საკითხებზე
მუშაობა.
კონკურსში მონაწილეობის მსურველს რეგისტრაციის გავლა შეუძლია 18
თებერვლამდე.
ვრცლად:
თიკო დავაძე
რადიო "მარნეული"